Chilli Garlic Dudhi Dhokla Recipe: ચટપટા અને હેલ્ધી ચીલી ગાર્લિક દૂધી ઢોકળા બનાવવાની પરફેક્ટ રીત. લસણ અને મરચાના તડકા સાથેનો આ નાસ્તો લંચ બોક્સ કે સવારના નાસ્તા માટે બેસ્ટ છે. જાણો સ્ટેપ-બાય-સ્ટેપ રેસીપી!
જરૂરી સામગ્રી
ઢોકળાના ખીરા માટે
- દૂધી: ૧ કપ
- રવો: ૧ કપ
- બેસન: ૧/૪ કપ
- ખાટું દહીં: ૧/૨ કપ
- આદુ-મરચાની પેસ્ટ: ૧ ચમચી
- હળદર: ૧/૪ ચમચી
- મીઠું: સ્વાદ મુજબ
- ઈનો: ૧ ચમચી
- તેલ: ૧ ચમચી
ચીલી ગાર્લિક તડકા માટે
- તેલ: ૨ ચમચી
- રાઈ: ૧ ચમચી
- સફેદ તલ: ૧ ચમચી
- લસણની ચટણી: ૨ ચમચી
- લાલ મરચું પાવડર: ૧ ચમચી
- લીલા ધાણા: સજાવટ માટે
બનાવવાની રીત
- એક મોટા વાસણમાં રવો, બેસન અને દહીં મિક્સ કરો. હવે તેમાં છીણેલી દૂધી, આદુ-મરચાની પેસ્ટ, હળદર, ૧ ચમચી તેલ અને મીઠું નાખીને બરાબર હલાવી લો. જરૂર મુજબ થોડું પાણી નાખી ઘટ્ટ ખીરું તૈયાર કરો અને ૧૫ મિનિટ માટે રહેવા દો.
- ઢોકળિયામાં પાણી ગરમ કરવા મૂકો. ઢોકળાની પ્લેટને તેલથી ગ્રીસ કરી લો.
- ખીરામાં ઈનો નાખીને તેના પર ૧ ચમચી પાણી રેડો અને એક જ દિશામાં હલાવો. હવે આ ખીરાને પ્લેટમાં પાથરી દો. તેને મધ્યમ તાપે ૧૨ થી ૧૫ મિનિટ સુધી સ્ટીમ થવા દો.
- ઢોકળા ઠંડા થાય એટલે તેને મનગમતા આકારમાં કાપી લો.
- એક પેનમાં તેલ ગરમ કરો. તેમાં રાઈ અને તલ નાખો. હવે ગેસ ધીમો કરી તેમાં લસણની પેસ્ટ અને લાલ મરચું પાવડર નાખો. તુરંત જ તેમાં તૈયાર કરેલા ઢોકળાના ટુકડા ઉમેરી દો.
- બધા જ ઢોકળા પર મસાલો બરાબર લાગી જાય ત્યાં સુધી હળવા હાથે હલાવો. ઉપરથી લીલા ધાણા છાંટીને ગરમાગરમ સર્વ કરો.
ટીપ: જો તમારે વધારે સ્પાઈસી જોઈતા હોય, તો તડકામાં લસણની માત્રા વધારી શકાય છે. દૂધી કુણી લેવી જેથી ઢોકળા સોફ્ટ બને.