Moong Dal Pudla Recipe: મગદાળના ચીલા કે મગદાળના પુડલા સ્વાદિષ્ટ અને હેલ્ધી વાનગી છે. તેને સરળતાથી અને ફટાફટ કેવી રીતે બનાવી શકાય તેની રેસિપી ગુજરાતી જાગરણ અહીં તમને આવશે. ચણાના પુડલા કે ચણાના ચીલા કરતા તેનો ટેસ્ટ થોડો અલગ આવે છે. પરંતુ ચણાના પુડલાના પ્રમાણમાં મગદાળનું પુડલું લોકોને વધારે ભાવતું હોય છે.
મગદાળના ચીલા કે મગદાળના પુડલાની સામગ્રી:
આ પણ વાંચો
- 1 કપ મગ ની દાળ (પીળી અથવા લીલી, ફોતરા વગરની)
- 1 નાનું ડુંગળી (ઝીણી સમારેલી, વૈકલ્પિક)
- 1-2 લીલાં મરચાં (ઝીણાં સમારેલાં)
- 1 ટીસ્પૂન આદુની પેસ્ટ
- 1/2 ટીસ્પૂન હળદર
- 1/2 ટીસ્પૂન લાલ મરચું પાવડર (સ્વાદ અનુસાર)
- 1/2 ટીસ્પૂન જીરું
- મીઠું (સ્વાદ અનુસાર)
- થોડું લીલું ધાણું (ઝીણું સમારેલું)
- પાણી (જરૂર મુજબ)
- તેલ (તવા પર શેકવા માટે)
મગદાળના ચીલા કે મગદાળના પુડલા બનાવવાની રીત:
- દાળ તૈયાર કરો: મગ ની દાળને સાફ કરીને 3-4 કલાક પાણીમાં પલાળી રાખો. પછી પાણી કાઢી નાખો.
- બેટર તૈયાર કરો: પલાળેલી દાળને મિક્સરમાં થોડા પાણી સાથે બારીક પીસી લો. બેટર ઘટ્ટ હોવું જોઈએ. બેટરમાં મીઠું, હળદર, લાલ મરચું પાવડર, જીરું, આદુની પેસ્ટ, સમારેલાં લીલાં મરચાં, ડુંગળી (જો ઉપયોગ કરતા હોવ તો) અને લીલું ધાણું ઉમેરો. બધું સારી રીતે મિક્સ કરો.
- પુડલા શેકો: એક નોન-સ્ટિક તવો ગરમ કરો અને તેના પર થોડું તેલ લગાવો. બેટરને ચમચા વડે તવા પર ગોળ આકારમાં પાથરો (જેમ ઢોસા બનાવો છો તેમ). મધ્યમ આંચ પર બંને બાજુએથી ગોલ્ડન બ્રાઉન થાય ત્યાં સુધી શેકો. શેકતી વખતે થોડું તેલ ઉમેરી શકો છો.
- પીરસો: ગરમાગરમ મગદાળના પુડલાને લીલી ચટણી, દહીં કે ટમેટા ના સોસ સાથે પીરસો. તમને મગદાળના ચીલા કેવા લાગ્યા અમને જરૂર જણાવજો.