Kisan Parivahan Yojana 2026 Gujarat: ગુજરાત સરકારના કૃષિ, ખેડૂત કલ્યાણ અને સહકાર વિભાગ દ્વારા ખેડૂતોની સુવિધા માટે 'કિસાન પરિવહન યોજના' અમલમાં મૂકવામાં આવી છે. આ યોજનાનો મુખ્ય હેતુ ખેડૂતો પોતાના પાકને ખેતરથી બજાર સુધી આસાનીથી અને ઓછા ખર્ચે પહોંચાડી શકે તે માટે માલવાહક વાહન ખરીદવામાં મદદ કરવાનો છે.
સહાયનું ધોરણ (સબસીડી)
આ યોજના હેઠળ 600 કિગ્રા થી 1500 કિગ્રાની ક્ષમતા ધરાવતા માલવાહક વાહનો (જેમ કે છોટા હાથી કે ટાટા એસી) પર નીચે મુજબ સહાય મળે છે:
| ખેડૂતનો પ્રકાર | સહાયની રકમ |
|---|---|
| નાના, સીમાંત, મહિલા, SC અને ST ખેડૂતો માટે | કુલ ખર્ચના 35% અથવા મહત્તમ ₹75,000 (બેમાંથી જે ઓછું હોય તે) |
| સામાન્ય અને અન્ય ખેડૂતો માટે | કુલ ખર્ચના 25% અથવા મહત્તમ ₹50,000 (બેમાંથી જે ઓછું હોય તે) |
નોંધ: એકવાર લાભ લીધા પછી, ફરીથી આ યોજનાનો લાભ લેવા માટે ઓછામાં ઓછી 5 વર્ષની મર્યાદા રાખવામાં આવી છે.
પાત્રતાના માપદંડ
- અરજદાર ગુજરાત રાજ્યનો વતની અને વ્યવસાયે ખેડૂત હોવો જોઈએ.
- ખેડૂત પાસે પોતાની ખેતીલાયક જમીન હોવી જરૂરી છે.
- વાહનની ખરીદી સરકાર માન્ય અધિકૃત ડીલર પાસેથી જ કરવાની રહેશે.
જરૂરી દસ્તાવેજોની યાદી
અરજી કરતી વખતે નીચે મુજબના કાગળો તૈયાર રાખવા:
- આધાર કાર્ડ
- જમીનની વિગતો (૭/૧૨ અને ૮-અ ના ઉતારા)
- જાતિનું પ્રમાણપત્ર (જો લાગુ પડતું હોય તો)
- બેંક પાસબુકની નકલ અથવા કેન્સલ ચેક
- રહેઠાણનો પુરાવો (ડોમિસાઇલ સર્ટિફિકેટ)
- વાહનનું ક્વોટેશન (અધિકૃત ડીલર પાસેથી મેળવેલ પ્રોફોર્મા ઇન્વોઇસ)
- પાસપોર્ટ સાઇઝનો ફોટો
અરજી કરવાની પ્રક્રિયા (ઓનલાઇન)
ખેડૂતોએ I-Khedut પોર્ટલ પર જઈને ઓનલાઈન અરજી કરવાની રહેશે:
- સૌ પ્રથમ ikhedut.gujarat.gov.in વેબસાઇટ ખોલો.
- હોમ પેજ પર 'યોજના' (Schemes) મેનુમાં જઈ 'કૃષિ યોજનાઓ' પર ક્લિક કરો.
- ત્યાં 'કિસાન પરિવહન યોજના' શોધીને તેની સામે આપેલ 'અરજી કરો' બટન પર ક્લિક કરો.
- નવી અરજી કરવા માટે 'New Apply' પર ક્લિક કરી જરૂરી વિગતો ભરો.
- બધી વિગતો ભરાઈ ગયા પછી અરજી 'Confirm' કરો.
- કન્ફર્મ થયા બાદ અરજીની પ્રિન્ટ આઉટ કાઢી લેવી અને જરૂરી દસ્તાવેજો સાથે સાચવી રાખવી.
મહત્વની સૂચના: આ યોજનામાં લક્ષ્યાંકની મર્યાદા હોય છે, તેથી "વહેલા તે પહેલા" ના ધોરણે અરજીઓ સ્વીકારવામાં આવે છે. વહેલી તકે ઓનલાઇન અરજી કરી દેવી હિતાવહ છે.