Jensen Huang Affair News: દુનિયાની સૌથી મૂલ્યવાન અને ચિપ સેક્ટરની બેતાજ બાદશાહ કંપની Nvidiaના મુખ્ય કાર્યકારી અધિકારી (CEO) જેન્સેન હુઆંગ હાલમાં વૈશ્વિક ચર્ચાના કેન્દ્રમાં છે. આ મામલો માત્ર કોઈ ટેક કંપનીના વ્યાપાર કે આર્ટિફિશિયલ ઇન્ટેલિજન્સ (AI) પૂરતો સીમિત નથી, પરંતુ તે સીધી રીતે અમેરિકાની રાષ્ટ્રીય સુરક્ષા, જાસૂસી અને હનીટ્રેપિંગ સાથે જોડાયેલો છે.
પત્ની સાથે બેવફાઈનો ખુલાસો
આ સમગ્ર મામલામાં ચર્ચા ત્યારે વધુ તેજ બની જ્યારે અમેરિકી રિપોર્ટ્સ બાદ જેન્સેન હુઆંગ પોતે એ વાત સ્વીકારી લીધી કે તેમણે પોતાની પત્ની સાથે બેવફાઈ કરી છે. આ વ્યક્તિગત ખુલાસા પાછળ ભૂ-રાજનીતિ (Geopolitics)નો એક એવો ખતરનાક ખેલ સામે આવ્યો છે, જેને દુનિયાભરના બજારો અને ગુપ્તચર એજન્સીઓની ઊંઘ ઉડાડી દીધી છે.
કોણ છે એલિસ હુઆંગ?
કથિત રીતે ચીની જાસૂસ કહેવાતી આ ચર્ચાસ્પદ મહિલાનું નામ એલિસ હુઆંગ છે. અટક સરખી હોવા છતાં બંને વચ્ચે કોઈ લોહીનો સંબંધ નથી. એલિસ એક ચીની નાગરિક છે. તેમણે અગાઉ ચીની સરકારી ચેનલ 'CCTV' અને 'Hunan TV'માં રિપોર્ટર તરીકે કામ કર્યું હતું.
ત્યારબાદ તે બેન્કિંગ સેક્ટર (HSBC) અને શંઘાઈની એક ઇન્વેસ્ટમેન્ટ ફર્મ સાથે જોડાઈ. કોઈ મોટું ટેક બેકગ્રાઉન્ડ ન હોવા છતાં તે અચાનક જ સિંગાપોરની એક નવી ડેટા સેન્ટર કંપની 'Megaspeed'ની મેનેજિંગ ડિરેક્ટર (MD) અને CEO બની ગઈ.
Nvidia સાથે કરોડોનો વેપાર અને ગેરરીતિનો શંકા
માર્ચ 2023માં બનેલી આ કંપનીએ જોતજોતામાં જૂન 2024 થી ફેબ્રુઆરી 2026ની વચ્ચે Nvidia પાસેથી 4.8 અબજ ડૉલર (અથવા તેથી વધુ) ની AI ચિપ્સ ખરીદી લીધી. આ સાથે જ Megaspeed સાઉથ-ઈસ્ટ એશિયામાં Nvidiaની સૌથી મોટી ગ્રાહક બની ગઈ.
ચિપ્સની દાણચોરી
અમેરિકી એજન્સીઓને જાણવા મળ્યું કે Megaspeed એ જેટલી ચિપ્સ ખરીદી હતી, તેની ડેટા સેન્ટર ક્ષમતા તેના કરતા ઘણી ઓછી હતી. મલેશિયામાં કંપનીની એક સાઈટ પર Nvidiaની કિંમતી ચિપ્સ વગર વપરાશના બોક્સમાં બંધ મળી આવી. શંકા છે કે આ એડવાન્સ ચિપ્સને ચોરીછૂપીથી ચીન મોકલવામાં આવી રહી છે.
નિકટતા અને હનીટ્રેપનો દાવો
તાઈવાનની રાજધાની તાઈપેના એક બાર અને રેસ્ટોરન્ટમાં જેન્સેન હુઆંગ અને એલિસ હુઆંગ વચ્ચેની નિકટતા કેમેરામાં કેદ થઈ હતી. તાઈવાની મીડિયાએ તો ત્યાં સુધી બતાવ્યું કે એલિસ, જેન્સેનના ગાલ પર કિસ કરી રહી હતી.
અમેરિકી અખબાર ન્યૂયોર્ક ટાઈમ્સ અને અમેરિકી ગુપ્તચર એજન્સીઓનું માનવું છે કે એલિસ કોઈ સામાન્ય વેપારી મહિલા નથી, પરંતુ ચીનની ગુપ્તચર એજન્સી 'મિનિસ્ટ્રી ઓફ સ્ટેટ' (MSS)ની એજન્ટ છે. અમેરિકી વિદેશ મંત્રી માર્કો રૂબિયોની દેખરેખ હેઠળ તૈયાર થયેલા ઇન્ટેલિજન્સ મેમો મુજબ, એલિસને ખાસ કરીને જેન્સેન હુઆંગને પોતાના જાળમાં ફસાવવા (હનીટ્રેપ) માટે તૈયાર કરવામાં આવી હતી.
ચીનને Nvidia પાસેથી શું જોઈએ છે?
આજના સમયમાં જે દેશ AIમાં આગળ હશે, તે જ દુનિયાનો અસલી કિંગ બનશે. ચીનના રાષ્ટ્રપતિ શી જિનપિંગે 2030 સુધીમાં AIના ગ્લોબલ લીડર બનવાનું લક્ષ્ય રાખ્યું છે.
આ માટે સૌથી શક્તિશાળી હથિયાર Nvidiaના H100 અને Blackwell જેવા સુપર-પ્રોસેસર છે.પરંતુ, અમેરિકાએ ઓક્ટોબર 2022 પછી ચીનને એડવાન્સ ચિપ્સ વેચવા પર કડક પ્રતિબંધ મૂક્યો છે. આ પ્રતિબંધો વચ્ચે ચીનને આ ચિપ્સ મેળવવા માટે ગેરકાયદેસર રસ્તાઓની જરૂર હતી.
જેન્સેન હુઆંગનો સ્વીકાર અને અમેરિકી સંસદનું સમન્સ
જ્યારે અમેરિકી એજન્સીઓની તપાસનો દાયરો વધ્યો, ત્યારે 8 નવેમ્બરે જેન્સેન હુઆંગે Nvidiaના તમામ કર્મચારીઓને એક ઈમેલ મોકલ્યો. જેમાં તેમણે સ્પષ્ટ લખ્યું કે- મેં મારી પત્ની સાથે બેવફાઈ કરી છે. મારી આ હરકતોથી મારા પરિવારને ઊંડો આઘાત લાગ્યો છે, જેનો કોઈ બહાનો હોઈ શકે નહીં. તેમણે દેશ અને કંપની પ્રત્યે પોતાની વફાદારી વ્યક્ત કરી હતી.
આ ખુલાસા બાદ અમેરિકી કોંગ્રેસની ત્રણ મોટી સમિતિઓએ જેન્સેનને તલબ કર્યા છે.ડેમોક્રેટિક સેનેટર એલિઝાબેથ વૉરેન દ્વારા આ મામલે કડક કાર્યવાહીની માંગ કરવામાં આવી છે.આ સમાચાર સામે આવતા જ Nvidia ના શેરમાં પણ ભારે ઘટાડો નોંધાયો હતો.
ચીનનો હનીટ્રેપનો જૂનો ઇતિહાસ
આ પહેલીવાર નથી જ્યારે ચીન પર ગુપ્ત માહિતી કઢાવવા માટે હનીટ્રેપિંગના આક્ષેપો લાગ્યા હોય. ભૂતકાળમાં પણ આવા ઘણા કિસ્સા સામે આવ્યા છે-
કેટરિના લ્યુંગ કેસ (1982-2003): FBIની સૂચના આપનાર કેટરિના અસલમાં ચીન માટે ડબલ એજન્ટ તરીકે કામ કરતી હતી અને તેણે બે અમેરિકી સ્પેશિયલ એજન્ટો સાથે પ્રેમ સંબંધ બાંધીને ગુપ્ત માહિતી લીક કરી હતી.
કૃષ્ટીન ફાંગ કેસ (2011-2015): એક ચીની વિદ્યાર્થીગીએ અમેરિકા પહોંચીને અનેક મોટા રાજકીય નેતાઓ અને કોંગ્રેસના સભ્યોને પોતાના પ્રેમ જાળમાં ફસાવ્યા હતા.
બેન્જામિન પિયર્સ બિશોપ કેસ: એક અમેરિકી રિટાયર્ડ લેફ્ટિનન્ટ કર્નલને એક ચીની યુવતીએ એવા હનીટ્રેપમાં ફસાવ્યા કે તેણે દેશના પરમાણુ અને સૈન્ય રહસ્યો ચીનને સોંપી દીધા હતા.