F 35 Fighter Jet: અમેરિકી રાષ્ટ્રપતિ ડોનાલ્ડ ટ્રમ્પે સ્પષ્ટ કહ્યું છે કે તેઓ ભારતને F-35 સ્ટીલ્થ ફાઈટર જેટ (F-35 Fighter Jet) વેચવા માંગે છે. તેમણે કહ્યું કે અમે અમેરિકી સેનાનું સૌથી શક્તિશાળી ફાઈટર જેટ F-35 ભારતને વેચવા માટે તૈયાર છીએ.
ટ્રમ્પે પીએમ મોદી સાથે સંયુક્ત પ્રેસ કોન્ફરન્સમાં આ વાત કહી. ઉલ્લેખનીય છે કે ટ્રમ્પની આ ઓફરથી પાકિસ્તાન નારાજ છે.
પાકિસ્તાનને મરચાં લાગ્યા
અરબ ન્યૂઝના અહેવાલ મુજબ, પાકિસ્તાનના વિદેશ કાર્યાલયના પ્રવક્તા શફકત અલી ખાને કહ્યું કે જો અમેરિકા ભારતને F-35 ફાઈટર જેટ વેચે છે, તો તેનાથી પ્રદેશ (દક્ષિણ એશિયા)માં સૈન્ય અસંતુલન વધશે અને વ્યૂહાત્મક સ્થિરતા ઘટશે. આ શાંતિ માટે સારું નથી.
તેમણે કહ્યું કે ભારતને F-35 ફાઈટર જેટ વેચવાનો અમેરિકાનો નિર્ણય એકપક્ષીય, ભ્રામક અને રાજદ્વારી ધોરણોની વિરુદ્ધ છે.
તમને જણાવી દઈએ કે પીએમ મોદી અને અમેરિકી રાષ્ટ્રપતિ ડોનાલ્ડ ટ્રમ્પ દ્વારા જારી કરવામાં આવેલા સંયુક્ત નિવેદનમાં પાકિસ્તાનને આતંકવાદને પ્રોત્સાહન આપવા બદલ ઠપકો પણ આપવામાં આવ્યો છે. સંયુક્ત નિવેદનમાં કહેવામાં આવ્યું છે કે પાકિસ્તાને પોતાની જમીનનો ઉપયોગ આતંકવાદી હુમલા કરવા માટે ન કરવો જોઈએ.
શું છે F-35 ફાઈટર જેટની તાકાત?
તમને જણાવી દઈએ કે જો ભારત F-35 ફાઈટર જેટ ખરીદવા માટે સંમત થાય છે, તો તે નોન-નાટો અને નોન-પેસિફિક યુએસ સહયોગી બનનાર પહેલો દેશ બની જશે.
F-35 એ પાંચમી પેઢીનું સ્ટીલ્થ ફાઇટર એરક્રાફ્ટ છે, જે અદ્યતન ઇલેક્ટ્રોનિક યુદ્ધ પ્રણાલી, ઓપન આર્કિટેક્ચર, અદ્યતન સેન્સર્સ અને અસાધારણ માહિતી ફ્યુઝન ક્ષમતાઓથી સજ્જ છે.