Kenya Road Accident: આફ્રિકાના દેશ કેન્યામાં એક ભયાનક માર્ગ અકસ્માત થયો છે. અહીં શુક્રવારે એક ટ્રકે કાબુ ગુમાવ્યો અને અનેક વાહનોને કચડી નાખ્યા. આ અકસ્માતમાં ઓછામાં ઓછા 48 લોકોના મોત થયા હોવાના અહેવાલ છે. તે જ સમયે, આ અકસ્માતમાં ઘણા લોકો ઘાયલ પણ થયા છે, જેમાંથી ઘણાની હાલત ગંભીર છે. અકસ્માત બાદ સામે આવેલા વિડિયોમાં જોવા મળી રહ્યું છે કે આ અકસ્માતને કારણે તૂટેલી કાર અને મોટરસાઈકલ આખા વિસ્તારમાં વિખરાઈ ગઈ છે. પ્રાદેશિક પોલીસ કમાન્ડર ટોમ ઓડેરાએ જણાવ્યું હતું કે શુક્રવારે સાંજે મૃત્યુઆંક 48 હતો. તેમણે કહ્યું કે મૃતકોની સંખ્યા વધી શકે છે.
At least 48 people were killed in a road accident in Londiani, western Kenya, on Friday evening when a lorry carrying a shipping container veered off the road and ploughed into several vehicles, reports Reuters, quoting Police
— ANI (@ANI) June 30, 2023
કેન્યાના રાષ્ટ્રપતિ વિલિયમ રુટોએ દુઃખ વ્યક્ત કર્યું
કેન્યાના રાષ્ટ્રપતિ વિલિયમ રુટોએ અકસ્માત બાદ એક ટ્વીટમાં લખ્યું હતું કે, "દેશ કેરીચો કાઉન્ટીના લોન્ડિયાનીમાં એક ભયાનક માર્ગ અકસ્માતમાં પ્રિયજનોને ગુમાવનારા પરિવારો પ્રત્યે શોક વ્યક્ત કરે છે. તે દુઃખદ છે કે મૃતકોમાં કેટલાક આશાસ્પદ યુવાનો છે. ભાવિ અને ધંધાદારી લોકો કે જેઓ ફક્ત તેમના રોજિંદા કામ માટે જતા હતા. અમે બચી ગયેલા તમામ લોકોના ઝડપથી સ્વસ્થ થવા માટે પ્રાર્થના કરીએ છીએ."
The country mourns with the families who have lost loved ones in a horrific road accident in Londiani, Kericho County. It is distressing that some of the fatalities are young people with a promising future and business people who were on their daily chores.
— William Samoei Ruto, PhD (@WilliamsRuto) June 30, 2023
We pray for the…
આ સાથે રાષ્ટ્રપતિએ એમપણ કહ્યું કે, અમે વાહનચાલકોને રસ્તાઓ પર વધુ સાવચેત રહેવા વિનંતી કરીએ છીએ, ખાસ કરીને હવે જ્યારે આપણે ભારે વરસાદનો સામનો કરી રહ્યા છીએ. કેન્યા રેડ ક્રોસે અકસ્માત બાદ જણાવ્યું હતું કે એક લારીએ છથી વધુ વાહનોને ટક્કર મારી હતી અને અનેક રાહદારીઓને કચડી નાખ્યા હતા. રેડ ક્રોસે જણાવ્યું હતું કે અકસ્માત બાદ 20થી વધુ ઘાયલ લોકોને સ્થાનિક હોસ્પિટલોમાં લઈ જવામાં આવ્યા હતા.