Houthi Missile Attack Yemen: મધ્યપૂર્વ (Middle East) એશિયામાંથી એક મોટા અને ચિંતાજનક સમાચાર સામે આવી રહ્યા છે. યમનની રાજધાનીમાં આવેલા અતિ સંવેદનશીલ અને સુરક્ષિત ગણાતા રાષ્ટ્રપતિ ભવન (Presidential Palace) પર હુથી (Houthi) વિદ્રોહીઓ દ્વારા ઘાતક મિસાઈલ હુમલો કરવામાં આવ્યો છે. આ ભીષણ વિસ્ફોટ અને હુમલાને કારણે ચાર લોકોના કમકમાટીભર્યા મોત નીપજ્યા હોવાના અહેવાલ છે, જ્યારે અનેક લોકો ઇજાગ્રસ્ત થયા છે.
રાષ્ટ્રપતિ ભવનને નિશાન બનાવતા સુરક્ષા એજન્સીઓ એલર્ટ પર
પ્રાપ્ત માહિતી અનુસાર, હુથી વિદ્રોહીઓ દ્વારા છોડવામાં આવેલી મિસાઈલ સીધી પ્રેસિડેન્શિયલ પેલેસ સંકુલમાં જઈને ત્રાટકી હતી, જેના કારણે ભારે ધડાકો થયો હતો અને ચારેય તરફ નાસભાગ મચી ગઈ હતી. આ હુમલા બાદ યમનની સુરક્ષા વ્યવસ્થાઓ સઘન કરી દેવામાં આવી છે અને ઈમરજન્સી સેવાઓ દ્વારા બચાવ કામગીરી શરૂ કરવામાં આવી છે. આંતરરાષ્ટ્રીય સ્તરે આ હુમલાને લઈને ભારે રોષ જોવા મળી રહ્યો છે.
મધ્યપૂર્વમાં વણસી રહેલી સ્થિતિ
તાજેતરના સમયમાં લાલ સમુદ્ર (Red Sea) અને આસપાસના વિસ્તારોમાં હુથી વિદ્રોહીઓની ગતિવિધિઓ સતત વધી રહી છે. રાષ્ટ્રપતિ ભવન પર થયેલા આ સીધા હુમલાથી આંતરરાષ્ટ્રીય રાજકારણમાં નવો તણાવ પેદા થયો છે. આ હુમલા પાછળનો મુખ્ય ઉદ્દેશ્ય રાજકીય અસ્થિરતા સર્વ કરવાનો હોવાનું મનાઈ રહ્યું છે. સુરક્ષા નિષ્ણાતોના મતે, આ ઘટના બાદ મધ્યપૂર્વમાં ચાલી રહેલો સંઘર્ષ વધુ ઉગ્ર બની શકે છે.