China Maglev Train: ટેકનોલોજી ક્ષેત્રે ચીને વધુ એક ઐતિહાસિક સિદ્ધિ હાંસલ કરી છે. ચીને તેની સૌથી ઝડપી મેગ્લેવ (Maglev) ટ્રેનનું સફળતાપૂર્વક પરીક્ષણ કર્યું છે. આ ટ્રેને માત્ર 2 સેકન્ડમાં 700 કિમી/કલાકની પ્રચંડ ગતિ પ્રાપ્ત કરીને વિશ્વને ચોંકાવી દીધું છે. આ સાથે જ ટ્રેનની ગતિની દ્રષ્ટિએ એક નવો બેન્ચમાર્ક સ્થાપિત થયો છે.
પલક ઝપકાવતા જ ગાયબ થઈ ટ્રેન
નેશનલ યુનિવર્સિટી ઓફ ડિફેન્સ ટેકનોલોજીના સંશોધકો દ્વારા આ પરીક્ષણ કરવામાં આવ્યું હતું. મીડિયા રિપોર્ટ્સ અનુસાર, આ પરીક્ષણ 400 મીટરના મેગ્લેવ ટ્રેક પર યોજાયું હતું. 1 ટનથી વધુ વજન ધરાવતી આ ટ્રેન સુરક્ષિત રહી હતી. સોશિયલ મીડિયા પર વાયરલ થયેલા વીડિયોમાં આ ટ્રેન વીજળીના ચમકારાની જેમ પસાર થતી જોવા મળે છે. તેની ગતિ એટલી તીવ્ર છે કે નરી આંખે તેને જોવી મુશ્કેલ છે, તે પાછળ માત્ર એક ધૂંધળી લકીર છોડી જાય છે.
??? Le train japonais Maglev L0 ne se contente pas d’être rapide : il redéfinit littéralement la notion de vitesse dans le transport moderne.
— Le Contemplateur (@LeContempIateur) December 4, 2025
Grâce à la lévitation magnétique, il flotte au-dessus de son rail, éliminant toute friction et lui permettant d’atteindre plus de 600… pic.twitter.com/hnV4VnZ3Ro
શું છે મેગ્લેવ ટેકનોલોજી?
આ ટ્રેન 'સુપરકન્ડક્ટિંગ મેગ્નેટિક લેવિટેશન' ટેકનોલોજી પર કામ કરે છે. તે પાટા (રેલ) ને સ્પર્શ કર્યા વિના ચુંબકીય શક્તિથી થોડી ઉપર હવામાં તરે છે અને આગળ વધે છે, જેના કારણે ઘર્ષણ થતું નથી અને અદભૂત ગતિ પ્રાપ્ત થાય છે. આ અત્યાર સુધીની સૌથી ઝડપી સુપરકન્ડક્ટિંગ ઇલેક્ટ્રિક મેગ્લેવ ટ્રેન બની ગઈ છે.
રોકેટ લોન્ચિંગ જેટલી તાકાત
નિષ્ણાતોના મતે, આ ટ્રેનનો પ્રવેગ (acceleration) એટલો શક્તિશાળી છે કે તેમાં રોકેટ લોન્ચ કરવાની ક્ષમતા છે. આ ટેકનોલોજીને 'ઇલેક્ટ્રોમેગ્નેટિક પ્રવેગક' કહેવામાં આવે છે. ભવિષ્યમાં રોકેટ અને વિમાનોના ટેક-ઓફ માટે પણ આ સિસ્ટમનો ઉપયોગ થઈ શકે છે, જેનાથી ઈંધણનો વપરાશ અને ખર્ચ ઘટાડી શકાશે.
10 વર્ષની મહેનતનું પરિણામ
આ પ્રોજેક્ટ પાછળ સંશોધકોની ટીમ છેલ્લા 10 વર્ષથી કામ કરી રહી હતી. આ પહેલા આ વર્ષની શરૂઆતમાં ટ્રેને 648 કિમી/કલાકની ટોચની ગતિ પ્રાપ્ત કરી હતી, પરંતુ હવે 700 કિમી/કલાકની ઝડપ સાથે તેણે પોતાના જ રેકોર્ડ તોડી નાખ્યા છે. આ ટેકનોલોજી ભવિષ્યમાં દૂરના શહેરો વચ્ચેનું અંતર મિનિટોમાં કાપવા માટે સક્ષમ બનશે.