Surat: સુરત જિલ્લાના મહુવા તાલુકાના તરકાણી ગામે અનાવલ સ્ટેટ હાઈવે પર આવેલા પેટ્રોલ પંપ પર દીપડો દેખાયો હતો. આ સમગ્ર ઘટના ત્યાં લાગેલા CCTV કેમેરામાં કેદ થઇ હતી.
સુરત જિલ્લામાં અવારનવાર દીપડા દેખાતા હોવાના અહેવાલ સામે આવતા હોય છે, એવામાં વધુ એક વખત સુરત જિલ્લામાં દીપડો દેખાયો હતો. સુરત જિલ્લાના મહુવા તાલુકાના તરકાણી ગામે મહુવા અનાવલ સ્ટેટ હાઈવે પર આવેલા પેટ્રોલ પંપ પર રાત્રીના 3.30 વાગ્યાની આસપાસના સમયે દીપડો દેખાયો હતો.
સુરત : તરકાણી ગામના પેટ્રોલપંપ પર દીપડાનું આગમન, ઘટના સીસીટીવીમાં કેદ #suratnews #surat #leopard #Gujaratnews #GujaratiJagran pic.twitter.com/UBtNZgcLiA
— Gujarati Jagran (@gujaratijagran) July 26, 2025
પેટ્રોલ પંપ પર રાત્રીના સમયે કોઈ વ્યક્તિ નજરે ન પડતા તે શિકારની શોધમાં સ્ટેટ હાઈવે તરફ પલાયન થઈ ગયો હતો. આ સમગ્ર ઘટના પેટ્રોલપંપના CCTV કેમેરામાં કેદ થઈ હતી. જેમાં જોઈ શકાય છે કે, રાત્રીના સમયે દીપડો પેટ્રોલ પંપ પર આવે છે અને ત્યારબાદ ત્યાંથી પલાયન થઇ જાય છે.