Rajkot: હવામાન વિભાગ દ્વારા કરવામાં આવેલી આગાહી પ્રમાણે આજે વહેલી સવારથી ગુજરાતના મોટાભાગમાં વાદળછાયું વાતાવરણ છવાયેલું રહ્યું હતુ. જો કે બપોર પડતાં અલગ-અલગ ભાગોમાં ભારે પવન અને કરાં સાથે વરસાદ તૂટી પડ્યો છે. રાજકોટમાં પણ સમી સાંજે 5 વાગ્યે આકાશ કાળા ડિબાંગ વાદળોથી ઘેરાઈ ગયા બાદ કરા સાથે ધોધમાર વરસાદ તૂટી પડ્યો હતો.
આજે વહેલી સવારથી રાજકોટમાં સૂરજ અને વાદળની સંતાકૂકડી વચ્ચે સમી સાંજે સમગ્ર શહેરમાં અંધારપટ્ટ છવાઈ ગયો હતો. જેના કારણે વિઝિબિલિટી ડાઉન થતાં વાહન ચાલકોને દિવસના સમયે હેડ લાઈટ ચાલુ કરવાની ફરજ પડી હતી.
આ પણ વાંચો
રાજકોટમાં સાંજે સુસવાટા મારતો પવન ફૂંકાતા અનેક ઠેકાણે વૃક્ષો ધરાશાયી થયા હોવાની ફરિયાદો મળી છે. તેમજ દોઢ કલાકમાં જ એક ઈંચ જેટલો ધોધમાર વરસાદ તૂટી પડતાં નીચાણવાળા વિસ્તારોમાં જળબંબાકારની સ્થિતિ સર્જાઈ હતી. અનેક ઠેકાણે ઘૂંટણસમા પાણી ભરાઈ ગયા હતા. લોકોને ભરઉનાળે છત્રીઓ લઈને બહાર નીકળવાની ફરજ પડી હતી.
તોફાની પવન ફૂંકાતા રાજકોટના કાલાવડ રોડ પર આત્મિય યુનિવર્સિટી પાછળ આવેલી સત્યસાંઈ હોસ્પિટલ મેઈન રોડ પર વૃક્ષ ધરાશાયી થતાં નીચે પાર્ક કરેલા ટુ-વ્હીલરને નુકસાન પહોંચ્યું હતુ.
#WATCH | Gujarat: Parts of Rajkot received heavy rainfall earlier this evening. pic.twitter.com/WE8tWNpySy
— ANI (@ANI) March 19, 2026