Rajkot: વીરપુર નજીક આવેલા પીઠડિયા ટોલપ્લાઝા પર દાદાગીરી કરી બેરિયર તોડીને નાસી છૂટેલા ઇનોવા કારચાલકને રાજકોટ રૂરલ પોલીસે ગણતરીના કલાકોમાં ઝડપી પાડ્યો છે. પોલીસે આરોપીને કાયદાનું ભાન કરાવવા માટે માફી મગાવતો વીડિયો પણ શૂટ કરાવ્યો હતો, જે સોશિયલ મીડિયા પર વાયરલ થયો છે.
ગત 10 સપ્ટેમ્બરના રોજ GJ-18-BJ-3737 નંબરની એક ઇનોવા કાર પીઠડિયા ટોલપ્લાઝા પર પહોંચી હતી. આ કાર પર 'ગવર્મેન્ટ ઓફ ગુજરાત' લખેલું હતું. કારચાલકે ટોલ ટેક્સ ભરવાનો ઇનકાર કર્યો હતો. આ સાથે ટોલકર્મી સાથે દાદાગીરી કરી બેરિયર તોડીને ભાગી છૂટ્યો હતો. આ ઘટનાના CCTV ફૂટેજ વાયરલ થતા ટોલપ્લાઝાના કર્મચારીઓ દ્વારા વીરપુર પોલીસ સ્ટેશનમાં અરજી આપવામાં આવી હતી.
પોલીસ તપાસમાં સામે આવ્યું કે, આ કારનો ડ્રાઇવર ગોંડલનો અશોક કોળી હતો. પોલીસે તાત્કાલિક કાર્યવાહી કરીને તેને ઝડપી પાડ્યો હતો. ધરપકડ બાદ પોલીસે તેને કાયદાનું પાલન કરવાનું મહત્વ સમજાવ્યું અને એક વીડિયો પણ શૂટ કરાવ્યો હતો.
આ વીડિયોમાં અશોક કોળી બે હાથ જોડીને પોતાની ભૂલ સ્વીકારતા જણાવે છે કે, તેણે પોતાના શેઠની ગાડી લઈને રોફ જમાવ્યો હતો. તે ભવિષ્યમાં આવી ભૂલ ફરી નહિ કરે તેવી ખાતરી પણ આપે છે.
પીઠડીયા ટોલનાકે દાદાગીરીથી ટોલ ભર્યા વગર ચાલ્યા જનાર શખ્સને ઝડપી કાયદાનું ભાન કરાવતી વીરપુર પોલીસ.#rajkotruralpolice #virpurpolice@CMOGuj @sanghaviharsh @GujaratPolice @dgpgujarat @IGP_RajkotRange @vijaygurjar_ips pic.twitter.com/xy9SRYdpCr
— SpRajkotRural (@SP_RajkotRural) September 13, 2025