Dediapada Accident News: નર્મદા જિલ્લાના ડેડીયાપાડા તાલુકામાં એક અત્યંત ગમખ્વાર અકસ્માતની ઘટના સામે આવી છે. મેડિયાસાગ ગામ નજીક મોટરસાયકલ પર સવાર થઈને જઈ રહેલા મોટી કાલબી ગામના ત્રણ યુવકોના અકસ્માતમાં કરૂણ મોત નિપજ્યા છે. આ દુર્ઘટનાથી સમગ્ર વિસ્તારમાં ચકચાર મચી ગઈ અને મોટી કાલબી ગામ શોકમાં ગરકાવ થઈ ગયું છે.
મેડીયાસાગ નજીક અકસ્માતમાં 3 યુવકોના મોત
આ પણ વાંચો
નર્મદા જિલ્લાના ડેડીયાપાડા તાલુકામાં બનેલી આ ઘટના અંગે મળતી પ્રાથમિક માહિતી મુજબ, મોટી કાલબી ગામના ત્રણ યુવકો મોટરસાઈકલ પર સવાર થઈને પસાર થઈ રહ્યા હતા. આ દરમિયાન મેડિયાસાગ ગામ નજીક તેઓ અકસ્માતનો ભોગ બન્યા હતા. અકસ્માત એટલો ગંભીર હતો કે મોટરસાઈકલ પર સવાર ત્રણેય યુવકોના મોત થયા છે.
એક સાથે ત્રણ-ત્રણ યુવકોના મોતના સમાચાર મળતાં જ સ્થાનિક લોકો અને સંબંધિત તંત્ર તાત્કાલિક સ્થળ પર પહોંચી ગયું હતું અને જરૂરી કાર્યવાહી હાથ ધરી હતી. અકસ્માતમાં મૃત્યુ પામેલા ત્રણેય યુવકના મૃતદેહને તાત્કાલિક પોસ્ટમોર્ટમ માટે ડેડીયાપાડા હોસ્પિટલ ખસેડવામાં આવ્યા છે. પોસ્ટમોર્ટમની પ્રક્રિયા પૂર્ણ થયા બાદ મૃતદેહોને પરિવારજનોને સોંપવામાં આવશે.
અકસ્માતના ચોક્કસ કારણો અંગે પોલીસ તપાસ
આ ગમખ્વાર અકસ્માત કેવી રીતે સર્જાયો અને તેની ચોક્કસ પરિસ્થિતિ શું હતી તે અંગેના કારણો હાલ સ્પષ્ટ થયા નથી. સમગ્ર ઘટનાને લઈને પોલીસ અને સંબંધિત તંત્ર દ્વારા જરૂરી કાર્યવાહી કરવામાં આવી રહી છે. અકસ્માતનું કારણ, વાહનની સ્થિતિ તથા અન્ય સંજોગો અંગે સત્તાવાર તપાસ બાદ વધુ માહિતી સામે આવવાની શક્યતા છે.