Rajendra Chavda, Kadi Assembly Constituency: ગુજરાત વિધાનસભાના અધ્યક્ષ શંકર ચૌધરીએ આજે વિધાનસભા ખાતે કડી વિધાનસભા મત વિસ્તારના નવનિયુકત ધારાસભ્ય રાજેન્દ્ર ચાવડાને ધારાસભ્ય તરીકેના શપથગ્રહણ કરાવ્યા હતા. આ સમયે મુખ્યમંત્રી ભૂપેન્દ્ર પટેલ સહિત મંત્રીમંડળના સભ્યો ઉપસ્થિત રહ્યા હતા.
આજે ગુજરાત વિધાનસભા ખાતે કડી વિધાનસભા મતવિસ્તારના નવનિયુક્ત ધારાસભ્ય શ્રી રાજેન્દ્રભાઈ ચાવડાને વિધાનસભાના અધ્યક્ષ શ્રી @ChaudhryShankar એ શપથ લેવડાવ્યા.
— BJP Gujarat (@BJP4Gujarat) July 16, 2025
આ પ્રસંગે માનનીય મુખ્યમંત્રી શ્રી @Bhupendrapbjp , પૂર્વ નાયબ મુખ્યમંત્રી શ્રી @Nitinbhai_Patel , પ્રદેશ સંગઠન મહામંત્રી શ્રી… pic.twitter.com/Cv5QRIiePQ
રાજેન્દ્ર ચાવડાએ શપથ લીધા
ગુજરાતમાં 19 જૂનના બે વિધાનસભા બેઠક કડી અને વિસાવદરમાં પેટાચૂંટણી યોજાઈ હતી. જેમાં વિસાવદરથી આપના નેતા ગોપાલ ઈટાલિયા અને કડી બેઠક પરથી ભાજપ નેતા રાજેન્દ્ર ચાવડાની જીત થઇ હતી. જેમાંથી આજે તારીખ 16 જૂનના રોજ ગોપાલ ઈટાલિયાએ અને રાજેન્દ્ર ચાવડાએ ધારાસભ્ય તરીકેના શપથ લીધા હતા.
કડી અને વિસાવદરની બેઠક કેમ ખાલી થઈ હતી ?
કડીમાં પૂર્વ ધારાસભ્ય કરસન સોલંકીના મૃત્યુના કારણે કડી વિધાનસભા બેઠક ખાલી પડી હતી. આ બેઠક અનુસૂચિત જાતિ માટે અનામત છે. આ સિવાય વિસાવદરમાં આપના ધારાસભ્ય ભૂપેન્દ્ર ભાયાણી રાજીનામું આપીને ભાજપમાં જોડાઇ ગયા હતાં, જેના કારણે વિસાવદર બેઠક ખાલી હતી.