Gir National Park Date and Timings 2025: આ વર્ષે સાસણ ગીર નેશનલ પાર્કમાં સિંહ દર્શન 7 ઓક્ટોબર, 2025થી શરૂ થઇ રહ્યું છે. સામાન્ય રીતે અભયારણ્ય પ્રવાસીઓ માટે 16 ઓક્ટોબરથી ખુલતું હોય છે, પરંતુ દિવાળી વેકેશન અને વધતી પ્રવાસીઓની સંખ્યાને ધ્યાનમાં રાખીને આ વર્ષે શરૂ કરવાની તારીખ પહેલેથી નક્કી કરવામાં આવી છે.
દર વર્ષે 15 જૂનથી 15 ઑક્ટોબર સુધી સિંહો માટે વેકેશન હોય છે. આ સમયગાળા દરમિયાન ગીર અભ્યારણ્ય (Gir National Park) પ્રવાસીઓ માટે બંધ રહે છે. આ સમય દરમિયાન અભયારણ્યમાં જરૂરી સિંહોના સંરક્ષણ, સિંચાઈ, માર્ગોનું સમારકામ અને વન્યજીવોને શાંતિ આપવામાં આવે છે.
હવે, સિંહોના વેકેશન પૂર્ણ થતાં જ સાસણ ગીર નેશનલ પાર્ક પ્રવાસીઓ માટે ખુલ્લું થશે. ત્યારે આ આર્ટિકલમાં મેળવી લો સાસણ ગીર નેશનલ પાર્કમાં સિંહ દર્શનનો સમય, ટિકિટની કિંમત અને એન્ટ્રી ફી, કેવી રીતે પહોંચવું અને ઓનલાઈન બુકિંગ સહિતની તમામ જાણકારી.
ગીર નેશનલ પાર્ક કેવી રીતે પહોંચવું
વિમાન દ્વારા: જૂનાગઢ નજીકનું સૌથી નજીકનું એરપોર્ટ રાજકોટ છે, જે શહેરથી લગભગ 100 કિમી દૂર છે. રાજકોટ એરપોર્ટમાંથી અનેક ફ્લાઇટ્સ ઉપલબ્ધ છે જે ગુજરાત અને ભારતના વિવિધ શહેરો સાથે શહેરને જોડે છે.
ટ્રેન દ્વારા: જૂનાગઢ સુધી સીધી ટ્રેન સેવા ઉપલબ્ધ છે, પરંતુ જૂનાગઢથી સાસણ ગીર માટે સીધી ટ્રેન નથી. ટ્રેન દ્વારા પહોચીને પછી રોડ માર્ગે પ્રવાસ કરવો પડે છે.
માર્ગ દ્વારા: જૂનાગઢથી સાસણ ગીરનું અંતર રોડ દ્વારા 53 કિમી અને હવાઈ માર્ગે 42 કિમી છે.
ગીર નેશનલ પાર્ક સફારી સમય – Gir National Park Safari Time
- સવારે 06:00 થી 09:00
- સવારે 09:00 થી બપોરે 12:00 વાગ્યા સુધી
- સાંજે 04:00 થી 07:00 વાગ્યા સુધી
ગીર નેશનલ પાર્ક સફારી બુકિંગ એન્ટ્રી ફી – Gir National Park Safari Booking Tariff
- 6 સીટર જીપ (ભારતીય) – રૂપિયા 6200 / જીપ (એક જીપમાં મહત્તમ 6 એડલ્ટ અને 1 બાળકની મંજૂરી છે)
- 8 સીટર જીપ (ભારતીય) – રૂપિયા 7700 / જીપ (એક જીપમાં મહત્તમ 8 એડલ્ટ અને 1 બાળકની મંજૂરી છે)
ઓનલાઈન બુકિંગ કેવી રીતે કરવું
- સૌપ્રથમ સાસણ ગીર નેશનલ પાર્કની ઓફિશિયલ વેબસાઇટ https://sasangirnationalpark.in/ પર જાઓ.
- તારીખ પસંદ કરો. (પ્રવાસ માટે 3 મહિના પહેલાં જંગલ સફારી બુક કરો)
- ટાઈમ સ્લોટ પસંદ કરો.
- એડલ્ટ અને બાળકોની સંખ્યા પસંદ કરો. (એક જીપમાં માત્ર 6 એડલ્ટ અને 1 બાળક જ બેસી શકે છે)
- બુકિંગ કરનારા વ્યક્તિનું નામ દાખલ કરો.
- સાચો મોબાઇલ નંબર અને ઈમેલ આઈડી દાખલ કરો.
- આગળના પેજ પર પુરા સરનામા સાથે રાજ્યનું નામ દાખલ કરો. (નોંધ: સરનામું યોગ્ય હોવું જોઈએ અને પ્રદાન કરેલી ઓળખ સાથે મેળ ખાવું જોઈએ)
- જીપમાં સફારી કરનારા તમામ મુસાફરોની વિગતો દાખલ કરો: જેમાં સંપૂર્ણ નામ, ઉંમર, લિંગ, રાષ્ટ્રીયતા, રાજ્ય, ઓળખપત્ર પ્રકાર અને નંબર. (નોંધ: ખોટી માહિતી આપી તો બુકિંગ મંજૂર નહીં થાય)
- જો તમારી જીપ Category A માં અપગ્રેડ થાય તો વધારાની ફી ચૂકવવી પડશે.
- અંતે, ઉલ્લેખિત રકમની ચુકવણી કરો અને તમારી બુકિંગ પુષ્ટિ મેળવો.
સાસણ ગીર નેશનલ પાર્ક વિશે
ગીર નેશનલ પાર્ક ભારતના સૌથી જૂના અભયારણ્યોમાંનું એક છે અને એશિયાઇ સિંહ (Panthera leo persica)નું એકમાત્ર નિવાસસ્થાન છે. આ અભ્યારણ પ્રાણીને જોવા માટે ભારતનું એકમાત્ર સ્થળ છે, આ પાર્ક જોખમી પ્રજાતિઓના બચાવમાં કાયદેસર ગૌરવ લઈ શકે છે. જે પ્રજાતિની એકવીસમી સદીની શરૂઆતમાં લુપ્ત થવાની શરૂઆત હતી, તે પ્રજાતિ માટે વધુ સુરક્ષિત વસવાટ પૂરો પાડે છે.
ગીરનું ઇકોસિસ્ટમ બાયોજિયોગ્રાફી ઝોન-4 (અર્ધ સુષ્ક) અને જીવભૂગોળ પ્રાંત 4-બી માં આવે છે. ગુજરાત સરકારે 1,412.1 ચો. કિ.મી. વિસ્તાર જાહેર કર્યો છે, જેમાંથી 258.7 ચો.કિ.મી. નેશનલ પાર્ક, 1,153.4 ચો.કિ.મી. અભયારણ્ય, અને 470.5 ચો.કિ.મી. જંગલ વિસ્તાર (બફર ઝોન) તરીકે સુરક્ષિત રાખવામાં આવ્યો છે. કુલ મિલીને 1,882.6 ચો.કિ.મી. વિસ્તાર ગીર જંગલનો ભાગ બને છે, જે પ્રકૃતિ અને પ્રાણીઓ માટે અનોખું આશ્રયસ્થાન પૂરું પાડે છે.
નોંધ: ગીર નેશનલ પાર્કની સફારી સમય અને બુકિંગ/એન્ટ્રી ફીમાં ફેરફાર થઈ શકે છે. તમે સાસણ ગીર નેશનલ પાર્કની અધિકારીક વેબસાઇટ પર સંપૂર્ણ માહિતી મેળવી શકો છો.