Kendriya Grihmantri Dakshata Padak 2026: રાષ્ટ્રીય એકતા દિવસના અવસરે ગુજરાત પોલીસ વિભાગ માટે ગૌરવપૂર્ણ સમાચાર સામે આવ્યા છે. કેન્દ્રીય ગૃહ મંત્રાલય દ્વારા વર્ષ 2026ના પ્રતિષ્ઠિત કેન્દ્રીય ગૃહમંત્રી દક્ષતા પદકની જાહેરાત કરી છે.જેમાં ગુજરાત પોલીસના 6 જાંબાઝ અને નિષ્ઠાવાન પોલીસ અધિકારીઓએ સ્થાન મેળવ્યું છે. ઈન્વેસ્ટિગેશન ક્ષેત્રે વિશિષ્ઠ સેવા પ્રદાન કરવા બદલ આ અધિકારીઓની પસંદગી કરવામાં આવી છે. આ જાહેરાત થતાં જ ગુજરાત પોલીસ દળમાં આનંદનો માહોલ છવાઈ ગયો છે.
6 પોલીસ અધિકારીઓની પસંદગી કરાઈ
અખંડ ભારતના શિલ્પી સરદાર વલ્લભભાઈ પટેલની જન્મજયંતિ નિમિત્તે ઉજવાતા રાષ્ટ્રીય એકતા દિવસના અવસર પર આ પ્રતિષ્ઠિત મેડલ માટે પસંદ કરાયેલા 490 પોલીસ કર્મચારીઓમાં ગુજરાતના 6 અધિકારીઓના નામની જાહેરાત કરાઈ છે. સુરક્ષા અને કાયદાના અમલીકરણ માટે વિશિષ્ઠ સેવાઓ આપનારા કર્મચારીઓને તેમની વિશિષ્ટ ક્ષમતાઓને પ્રોત્સાહિત કરવા માટે આ મેડલ આપવામાં આવે છે. આ એવોર્ડની શરુઆથ 1 ફેબ્રુઆરી 2024ના રોજ કરવામાં આવી હતી. તપાસ, ગુપ્તચર માહિતી અને અન્ય વિશેષ કામગીરીમાં શ્રેષ્ઠતા દાખવનાર કર્મચારીઓને પ્રતિવર્ષ એનાયત કરવામાં આવે છે.
- અંશુલ જૈન- પોલીસ અધિક્ષક, સી.આઈ.ડી., આઈ.બી., ભુજ રીજીયનની કચેરી
- સિમરન ભારદ્વાજ- મદદનીશ પોલીસ અધિક્ષક, પોલીસ અધિક્ષકની કચેરી રાજકોટ ગ્રામ્ય.
- રણજીતસિંહ સિંઘાલ- નાયબ પોલીસ અધિક્ષક, પોલીસ અધિક્ષકની કચેરી ભાવનગર.
- જયેશ પ્રતાપજી ઠાકોર- PI, પોલીસ કમિશનરની કચેરી, અમદાવાદ શહેર.
- પાર્થેન્દ્રસિંહ વિજયસિંહ વાઘેલા- PI, પોલીસ કમિશનરની કચેરી, અમદાવાદ શહેર.
- ગુણવંતભાઈ મનુભાઈ હડીયા- PI, પોલીસ કમિશનરની કચેરી, અમદાવાદ શહેર.
DGP જ્ઞાનેન્દ્રસિંહ મલિકે પાઠવ્યા અભિનંદન
આ રાષ્ટ્રીય સ્તરની સિદ્ધિ બદલ ગુજરાતના પોલીસ મહાનિર્દેશક (DGP) જ્ઞાનેન્દ્રસિંહ મલિકે તમામ વિજેતા અધિકારીઓને દિલથી અભિનંદન પાઠવ્યા છે. તેમણે જણાવ્યું હતું કે,
આ માન્યતા સમગ્ર રાજ્ય માટે ગૌરવની ક્ષણ છે. આ અધિકારીઓની અડગ કર્તવ્યનિષ્ઠા અને ઝીણવટભર્યું તપાસ કાર્ય રાજ્યના અન્ય પોલીસ કર્મચારીઓને પણ ઉત્કૃષ્ટ કામગીરી કરવા માટે નવી પ્રેરણાદાયી બનશે.