ગુજરાત સરકારનો ઐતિહાસિક નિર્ણય: હવે સરકારી કચેરીઓના ધક્કા બંધ, 1 એપ્રિલથી 18 પ્રમાણપત્રો મળશે ઘરે બેઠા ઓનલાઈન!

Gujarat Cabinet Decision: ગુજરાતના નાગરિકો અને ખાસ કરીને વાલીઓ માટે રાહતના સમાચાર સામે આવ્યા છે. મુખ્યમંત્રી ભૂપેન્દ્ર પટેલના નેતૃત્વમાં મળેલી કેબિનેટ બેઠકમાં 'ડિજિટલ ગુજરાત' તરફ એક મોટું કદમ ઉઠાવવામાં આવ્યું છે. આગામી 1 એપ્રિલથી આવક અને જાતિના દાખલા સહિતના 18 મહત્વના પ્રમાણપત્રો મેળવવાની પ્રક્રિયા સંપૂર્ણપણે 'ફેસલેસ' (ઓનલાઈન) કરી દેવામાં આવી છે.

મુખ્ય વિગતો એક નજરે

અમલીકરણ: 1 એપ્રિલથી શરૂ.
સેવાઓ: આવક, જાતિ સહિતના 18 પ્રકારના પ્રમાણપત્રો.
પદ્ધતિ: સંપૂર્ણ ઓનલાઈન (Faceless), કચેરીએ જવાની જરૂર નહીં.
લાભાર્થી: રાજ્યના અંદાજે 80 લાખ પરિવારોને સીધો ફાયદો.

વાલીઓ અને વિદ્યાર્થીઓને મોટી રાહત

દર વર્ષે શાળાઓમાં એડમિશનની સીઝન વખતે આવકના દાખલા અને જાતિના પ્રમાણપત્રો કઢાવવા માટે વાલીઓને લાંબી લાઈનોમાં ઊભા રહેવું પડતું હતું. સમયમર્યાદાના દબાણને કારણે પડતી આ મુશ્કેલીઓને ધ્યાને રાખીને સરકારે આ ક્રાંતિકારી નિર્ણય લીધો છે. હવે:

1. કિંમતી સમય અને શક્તિનો બચાવ થશે.
2. વહીવટી પ્રક્રિયા વધુ ઝડપી અને પારદર્શક બનશે.
3. વચેટીયાઓ કે લાઈનોમાંથી મુક્તિ મળશે.

કૃષિ વિભાગની મોટી સિદ્ધિ

કેબિનેટ બેઠકમાં અન્ય વિભાગોની પણ સમીક્ષા કરવામાં આવી હતી, જેમાં જણાવાયું હતું કે:

રાજ્યના 59 લાખ ખેડૂતોનું 'ફાર્મર રજિસ્ટ્રેશન સફળતાપૂર્વક પૂર્ણ થઈ ગયું છે.
આ રજિસ્ટ્રેશનથી હવે સરકારી યોજનાઓના લાભ સીધા ખેડૂતો સુધી વધુ પારદર્શક રીતે પહોંચશે.

"સરકારનો ઉદ્દેશ્ય નાગરિકોને સરકારી કચેરીઓના ધક્કામાંથી મુક્તિ અપાવી, ઘરઆંગણે સેવાઓ પહોંચાડવાનો છે."
— જીતુ વાઘાણી, પ્રવક્તા મંત્રી

ઓનલાઈન મળવાપાત્ર મુખ્ય 18 પ્રમાણપત્રોની યાદી

યાદ રાખવા જેવી બાબતો:

વેબસાઈટ: આ તમામ સેવાઓ digitalgujarat.gov.in પર ઉપલબ્ધ રહેશે.
સમય: 1 એપ્રિલથી આ પ્રક્રિયા સંપૂર્ણ 'ફેસલેસ' એટલે કે રૂબરૂ જયા વગર ઓનલાઈન થશે.
ફાયદો: પ્રમાણપત્ર તૈયાર થયા પછી તમે તમારા મોબાઈલ કે કોમ્પ્યુટરમાંથી સીધું ડાઉનલોડ કરી શકશો.