Gandhinagar: ગુજરાત સરકારના ગૃહ વિભાગ દ્વારા આજ રોજ પોલીસ બેડામાં મોટા પાયે બઢતી અને બદલીના આદેશ જારી કરવામાં આવ્યા છે. આ મામલે ગૃહ વિભાગ દ્વારા ત્રણ અલગ-અલગ જાહેરનામા પ્રસિદ્ધ કરવામાં આવ્યા છે. જે અંતર્ગત 68 જેટલા પોલીસ ઈન્સ્પેક્ટર (PI)ને ડેપ્યુટી સુપ્રિટેન્ડન્ટ ઑફ પોલીસ (DySp) તરીકે પ્રમોશન આપવામાં આવ્યું છે.
જે પૈકી હથિયારધારી 9 PI, બિનહથિયારધારી 47 જેટલા પોલીસ ઈન્સ્પેક્ટરને DySp તરીકે બઢતી આપવામાં આવી છે. આવી જ રીતે પોલીસના વાયરલેસ વિભાગમાં પણ 12 જેટલા PIને DySp તરીકે બઢતી આપવામાં આવી છે. આ સાથે જ વર્ગ-1ના પણ 7 જેટલા DySpની ટ્રાન્સફર કરવામાં આવી છે.
આ પણ વાંચો
મહત્વની શરતો અને સૂચનાઓ
- આ તમામ બઢતીઓ ભવિષ્યમાં વહીવટી કારણોસર અથવા સિનિયોરિટીના પ્રશ્નો ઉપસ્થિત થાય તો 'લાસ્ટ ઇન ફર્સ્ટ આઉટ' ના સિદ્ધાંત મુજબ રિવર્ટ કરવાની શરતે આપવામાં આવી છે.
- તપાસની ચકાસણી: હાજર થતા પહેલા જે-તે અધિકારી સામે કોઈ ખાતાકીય તપાસ કે ફોજદારી કેસ પડતર નથી, તેની ખાતરી પોલીસ મહાનિદેશક કચેરીએ કરવાની રહેશે.
- તાત્કાલિક અમલ: તમામ અધિકારીઓને તાત્કાલિક અસરથી છૂટા કરી નવી જગ્યાએ હાજર થવા આદેશ કરવામાં આવ્યો છે.