Sabarmati Varanasi Express Train: પશ્ચિમ રેલવે દ્વારા મહત્ત્વનો નિર્ણય કરાયો છે. જે અંતર્ગત હવે 19407/19408 સાબરમતી-વારાણસી એક્સપ્રેસ ટ્રેન હવે સુપરફાસ્ટ ટ્રેન તરીકે દોડાવવામાં આવશે. ટ્રેન સુપરફાસ્ટ થયા પછી તેના નંબર બદલી દેવામાં આવશે. રેલવે અધિકારીએ જણાવ્યું છે કે, 19407 સાબરમતી-વારાણસી એક્સપ્રેસ બદલાયેલા નંબર 20963 સાબરમતી-વારાણસી સુપરફાસ્ટ આગામી 2 જાન્યુઆરીથી દોડશે.
મહત્ત્વનું છે કે, 19407/19408 સાબરમતી-વારાણસી એક્સપ્રેસ ટ્રેન હવે સુપરફાસ્ટ થતાં પેસેન્જરોને મુસાફરીમાં 1 કલાકથી વધુનો સમય બચશે. આ ઉપરાંત સુપરફાસ્ટ ટ્રેનનો ચાર્જ તરીકે સ્લીપરમાં 20 રૂપિયા, એસી કોચમાં 30 રૂપિયા પેસેન્જરોએ વધુ ચૂકવવા પડશે.
રેલવે અધિકારીએ જણાવ્યા મુજબ, 19407 સાબરમતી-વારાણસી એક્સપ્રેસ બદલાયેલા નંબર 20963 સાબરમતી-વારાણસી સુપરફાસ્ટ આગામી 2 જાન્યુઆરીથી સાબરમતીથી રાતે 10.55 વાગ્યે ઉપડશે. આ પછી ત્રીજા દિવસે વહેલી સવારે 5.30 વાગ્યે સાબરમતી વારાણસી પહોંશે. આ ઉપરાંત 4 જાન્યુઆરીથી 19408 વારાણસી-સાબરમતી એક્સપ્રેસ બદલાયેલા નંબર 20964 તરીકે શરૂ થશે.