GSRTC News: ધારાસભ્ય હાર્દિક પટેલે આજે વિરમગામ બસ ડેપો ખાતે છ જેટલી નવી બસોનું પ્રસ્તાન કરાવ્યું હતું. આ સાથે વિરમગામ ડેપોને છેલ્લે 2 વર્ષમાં 15 જેટલી બસો મળી છે.
આ અંગે ખુશી વ્યક્ત કરતાં હાર્દિક પટેલે જણાવ્યું હતું કે મુખ્યમંત્રી ભૂપેન્દ્રપટેલ અને વાહન-વ્યવહાર મંત્રી હર્ષ સંઘવીના સહયોગને લીધે વિરમગામ ડેપોને છેલ્લા બે વર્ષમાં 15 નવી બસ મળી છે. આ બસોમાં વિમરગામથી દર શનિવારે સારંગપુરનો પણ તેમાં સમાવેશ થાય છે. સોશિયલ મીડિયા પર ધારાસભ્ય હાર્દિક પટેલે કેટલીક તસવીરો શેર કરી હતી.
તેમણે લખ્યું કે આજે વિરમગામ બસ ડેપોને મળેલ નવી છ બસોને લીલી ઝંડી આપીને પ્રસ્થાન કરાવ્યું. ગુજરાતના મુખ્યમંત્રી ભુપેન્દ્ર પટેલ અને વાહનવ્યહાર મંત્રી હર્ષ સંઘવીના સહયોગથી છેલ્લા બે વર્ષમાં 15 થી વધુ નવી બસો વિરમગામ ડેપોને મળી છે, વધતી બસ સેવા નગર તથાં ગ્રામ્ય વિસ્તારમાં મુસાફરી માટે સુલભતા વધારશે અને લોક પરિવહન વ્યવસ્થામાં ગુણાત્મક સુધારો લાવશે.
આગામી દિવસોમાં શ્રદ્ધાળુઓ વિવિધ ધાર્મિક સ્થળોની મુલાકાત લઈ યાત્રા કરી શકે તે માટે તેને જોડતા રૂટો પર નવી બસો દોડાવવાની યોજના છે. જેમાં દર શનિવારે વિરમગામ થી સારંગપુરની સીધી બસ શરૂ કરાય તેવું આયોજન છે.