Gujarat BJP New President List 2026: ગુજરાત ભારતીય જનતા પાર્ટી દ્વારા સંગઠનને વધુ મજબૂત, ધારદાર અને સર્વસમાજવ્યાપી બનાવવાના વ્યાપક અભિયાન અંતર્ગત મહત્વના સંગઠનાત્મક ફેરફારો કરવામાં આવ્યા છે. પ્રદેશ ભાજપના મોવડી મંડળની સૂચના અને માર્ગદર્શન હેઠળ 22 સપ્ટેમ્બર 2026ના રોજ રાજ્યમાં 3 જિલ્લાના નવા ભાજપ પ્રમુખો, પ્રદેશ બક્ષીપંચ મોરચાની નવી કારોબારી ટીમ, વિંગ્સ (આઈ.ટી., સોશિયલ મીડિયા, મીડિયા) તેમજ વડાપ્રધાનના લોકપ્રિય કાર્યક્રમ 'મન કી બાત' માટે ઝોનલ ટીમની સત્તાવાર જાહેરાત કરવામાં આવી છે. પ્રદેશ મહામંત્રી ડૉ. પ્રશાંત કોરાટ અને બક્ષીપંચ મોરચાના અધ્યક્ષ માનસિંહ પરમાર દ્વારા આ યાદી જાહેર કરાઈ છે.
સંગઠનને મજબૂત કરવા ડાંગ, ભરૂચ અને નર્મદામાં નવા જિલ્લા પ્રમુખોની તાત્કાલિક નિમણૂક
રાજ્યમાં સંગઠનાત્મક કામગીરીને વધુ વેગ આપવા અને ગ્રામીણ સ્તરે પકડ મજબૂત કરવાના હેતુસર પ્રદેશ ભાજપ પ્રમુખ જગદીશભાઈ વિશ્વકર્મા દ્વારા ત્રણ મહત્વના જિલ્લાઓમાં નવા પ્રમુખોની ઘોષણા કરવામાં આવી છે. આ તમામ નવનિયુક્ત પ્રમુખો તાત્કાલિક અસરથી પોતાની જવાબદારી સંભાળી લીધી છે.
ડાંગ જિલ્લો: સુરેશભાઈ મોતીરામભાઈ ચૌધરી
ભરૂચ જિલ્લો: પરેશભાઈ કાંતિભાઈ લાડ
નર્મદા જિલ્લો: શબ્દશરણ ભાઈલાલભાઈ તડવી
બક્ષીપંચ મોરચાની નવી પ્રદેશ કારોબારી જાહેર
સમાજના તમામ વર્ગોને સંગઠનમાં યોગ્ય પ્રતિનિધિત્વ પૂરું પાડવા માટે બક્ષીપંચ મોરચાના પ્રદેશ અધ્યક્ષ અને સાંસદ માનસિંહ પરમારની આગેવાની હેઠળ પ્રદેશ કારોબારીની વિસ્તૃત યાદી જાહેર કરવામાં આવી છે, જેમાં પ્રદેશ પદાધિકારીઓની વરણી કરાઈ છે.
પ્રદેશ ઉપાધ્યક્ષો: પ્રકાશભાઈ નરહરીલાલ મોદી (ભરૂચ), નીલકુમાર પ્રેમચરણ રાવ (નર્મદા), ભરતભાઈ મેર (ભાવનગર જિલ્લો), મોમાયાભાઈ ગઢવી (કચ્છ), રામસિંહભાઈ ગોરિયા (દેવભૂમિ દ્વારકા), દિનેશભાઈ પટેલ (નવસારી), ભૂપેન્દ્રભાઈ બસીયા (અમરેલી) અને દિનેશભાઈ મેવાડા (બનાસકાંઠા).
પ્રદેશ મહામંત્રીઓ: રાજુભાઈ ચૌધરી (પટેલ) (અરવલ્લી), અનિમેષભાઈ માળી (સુરત શહેર), અને તેજલબેન નાઈ (ગાંધીનગર શહેર).
પ્રદેશ મંત્રીઓ: ગીતાબેન નિર્મળસિંહ ચૌહાણ (દાહોદ), ગૌતમભાઈ ગોસ્વામી (રાજકોટ શહેર), હસમુખભાઈ છોટાભાઈ બારીયા (છોટાઉદેપુર), દિનેશભાઈ પ્રજાપતિ (વલસાડ), શૈલેષભાઈ ધોપાલ (સુરેન્દ્રનગર), વિજયસિંહ વણજારા (સાબરકાંઠા), દિનેશભાઈ રાયમલ દેસાઈ (મહેસાણા), અને ગણપતભાઈ પઢીયાર (આણંદ).
કોષાધ્યક્ષ અને કાર્યાલય મંત્રી: પ્રદેશ કોષાધ્યક્ષ તરીકે ડૉ. સુનીલભાઈ કહાર (વડોદરા શહેર) તથા પ્રદેશ કાર્યાલય મંત્રી તરીકે નિલેશભાઈ જણસારી (કર્ણાવતી)ની જવાબદારી સોંપવામાં આવી છે.
સોશિયલ મીડિયા અને આઈ.ટી. વિંગની નવી જવાબદારીઓ
આજના ડિજિટલ યુગમાં પક્ષના વિચારો અને કામો જનતા સુધી ઝડપથી પહોંચાડવા માટે મોરચા અંતર્ગત ડિજિટલ વિંગની પણ પુનર્રચના કરવામાં આવી છે.
આઈ.ટી. વિભાગ: સંયોજક તરીકે જિગર ભીખુભાઈ નાયક (કર્ણાવતી) અને સહ સંયોજક તરીકે દિવ્યેશ હસમુખભાઈ પંચાલ (ગાંધીનગર જિ.).
સોશિયલ મીડિયા વિભાગ: સંયોજક તરીકે બાબાભાઈ જીવાભાઈ રબારી (નવસારી) અને સહ સંયોજક તરીકે પ્રતીક (કિશન) સી. બારોટ (મહેસાણા).
મીડિયા વિભાગ: સંયોજક તરીકે નરેશભાઈ ભોગીલાલ નાગોરા (કર્ણાવતી) અને સહ સંયોજક તરીકે પ્રકાશભાઈ રામી (અમદાવાદ જિ.).
'મન કી બાત' કાર્યક્રમના સુચારુ સંચાલન માટે વિશેષ ઝોનલ ટીમની રચના
વડાપ્રધાન નરેન્દ્ર મોદીના અત્યંત લોકપ્રિય અને જનસંવાદ કાર્યક્રમ 'મન કી બાત' નો દિવ્ય સંદેશો ગુજરાતના ગામે-ગામ અને છેવાડાના માનવી સુધી પહોંચાડવા માટે અનુભવી નેતાઓની ઝોનલ ટીમ કાર્યરત કરવામાં આવી છે.
પ્રભારી (પ્રદેશ પ્રવાસ, બેઠક અને મન કી બાત): સુરેશભાઈ પટેલ (પૂર્વ ધારાસભ્ય, કર્ણાવતી)
પ્રદેશ સંયોજક: મનીષભાઈ પટેલ (કર્ણાવતી)
દક્ષિણ ઝોન સહસંયોજક: નિરવભાઈ શાહ (સુરત શહેર)
મધ્ય ઝોન સહસંયોજક: મયૂરભાઈ સુથાર (આણંદ)
ઉત્તર ઝોન સહસંયોજક: મયૂરભાઈ પટેલ (મહેસાણા)
સૌરાષ્ટ્ર ઝોન-1 સહસંયોજક: પૃથ્વીરાજસિંહ વાળા (રાજકોટ જિ.)
સૌરાષ્ટ્ર ઝોન-2 સહસંયોજક: હરેન્દ્રસિંહ ગોહિલ (ભાવનગર શહેર)
સર્વસમાજનું સશક્તિકરણ અને જનકલ્યાણ જ ભાજપનો મૂળમંત્ર
આ સંગઠનાત્મક ફેરફારો અને નવી નિમણૂકો અંગે વિગતવાર માહિતી આપતા પાર્ટીના પ્રવક્તાએ જણાવ્યું હતું કે ભારતીય જનતા પાર્ટીમાં સંગઠનાત્મક પરિવર્તન એ એક નિરંતર અને ગતિશીલ પ્રક્રિયા છે. ભાજપનો મુખ્ય મંત્ર હંમેશા 'સૌનો સાથ, સૌનો વિકાસ' રહ્યો છે. સમાજના તમામ નાના-મોટા વર્ગો, સમુદાયો અને યુવાનોને રાજકીય તથા સામાજિક પ્રક્રિયામાં સક્રિયપણે જોડીને કેન્દ્ર અને રાજ્ય સરકારની જનકલ્યાણકારી યોજનાઓનો લાભ ગરીબમાં ગરીબ વ્યકિત સુધી પહોંચાડવા આ પદાધિકારીઓને જવાબદારી સોંપવામાં આવી છે. પક્ષમાં હોદ્દો એ માત્ર પદ નથી, પરંતુ જનસેવા અને સંગઠનને વધુ મજબૂત બનાવવાની એક પવિત્ર કટિબદ્ધતા છે.