Sri Sathya Sai Heart Hospital: મધ્યપ્રદેશ સરકાર (નેશનલ હેલ્થ મિશન) અને શ્રી સત્ય સાઈ હાર્ટ હોસ્પિટલ, રાજકોટ અને અમદાવાદ વચ્ચે સમજૂતી કરાર (MOU) ત્રીજી વાર 9 ઑક્ટોબર, 2025 ના રોજ પુનઃનવિકરણ કરવામાં આવ્યો છે. આ અવસરે ડૉ. સલોની સાધના, મિશન ડાયરેક્ટર, નેશનલ હેલ્થ મિશન, મધ્ય પ્રદેશ સરકારના વરિષ્ઠ અધિકારીઓ તથા મનોજ ભીમાણી, મેનેજિંગ ટ્રસ્ટી – શ્રી સત્ય સાઈ હાર્ટ હોસ્પિટલ ઉપસ્થિત રહ્યા હતા.
નિશુલ્ક સેવા પુરી પડાશે
આ કરાર અંતર્ગત 1000 જરૂરિયાતમંદ હૃદયરોગી દર્દીઓને સંપૂર્ણપણે નિઃશુલ્ક હૃદય સારવાર પૂરી પાડવામાં આવશે. આ સહયોગ બંને સંસ્થાઓના નિઃસ્વાર્થ સમર્પણ અને માનવતાના ભાવને પ્રતિબિંબિત કરે છે. મધ્યપ્રદેશના જરૂરતમંદ નાગરિકો સુધી ઉચ્ચ ગુણવત્તાની હૃદય સારવાર પહોંચાડવાનો આ સંકલ્પ અનેક પરિવારો માટે જીવનદાયી સાબિત થશે.
આ ત્રીજું પુનઃનવિકરણ માત્ર એક દસ્તાવેજ નથી, પરંતુ હજારો હૃદયો માટે નવી આશા, નવી ઉર્જા અને જીવનનું નવું અધ્યાય છે. આ ભાગીદારી દ્વારા અનેક દર્દીઓને નવું જીવનદાન મળશે અને તેમના ચહેરા પર સ્મિત પાછું લાવશે, એ જ આ સેવાનું સાચું ફળ છે.
‘દિલ વિધાઉટ બિલ’ તરીકે ઓળખાતી શ્રી સત્ય સાઈ હાર્ટ હોસ્પિટલ રાજકોટ અને અમદાવાદ, છેલ્લા 25 વર્ષથી આરોગ્ય સેવા ક્ષેત્રે માનવતાની અનોખી સુગંધ ફેલાવી રહી છે.
આ રાજ્યમાં સારવાર આપવામાં આવશે
આ હોસ્પિટલ દ્વારા દેશના વિવિધ રાજ્યો ઓડિશા, રાજસ્થાન, ઝારખંડ, આસામ, બિહાર, મધ્ય પ્રદેશ , ગુજરાત અને લેહ-લદ્દાખ સાથે કરાર કરવામાં આવ્યા છે, જેના આધારે ત્યાંના હૃદયરોગી દર્દીઓને અહીં સંપૂર્ણપણે વિનામૂલ્યે સારવાર આપવામાં આવે છે.
આ હોસ્પિટલ દ્વારા દેશના વિવિધ રાજ્યો ઓડિશા, રાજસ્થાન, ઝારખંડ, આસામ, બિહાર, મધ્ય પ્રદેશ , ગુજરાત અને લેહ-લદ્દાખ સાથે કરાર કરવામાં આવ્યા છે, જેના આધારે ત્યાંના હૃદયરોગી દર્દીઓને અહીં સંપૂર્ણપણે વિનામૂલ્યે સારવાર આપવામાં આવે છે.
ગુજરાતની આ બે હોસ્પિટલોએ અત્યાર સુધી ભારતના તમામ રાજ્યોમાંથી અને દેશની કુલ વસ્તીના 60% થી વધુ ભાગમાંથી આવેલા હજારો દર્દીઓને જીવનદાન આપ્યું છે.