Kinjal Dave News: ગુજરાતી સિંગર કિંજલ દવેના પિતા લલિત દવે સોશિયલ મીડિયા પર ખૂબ જ સક્રિય રહે છે અને અવારનવાર પોતાના પરિવાર સાથેની ક્ષણો શેર કરતા હોય છે. હાલમાં ગુજરાતમાં શિયાળાની કડકડતી ઠંડી પડી રહી છે, ત્યારે લલિત દવેએ પોતાની લાડકવાયી દીકરી કિંજલ સાથેની એક અત્યંત હૃદયસ્પર્શી ક્ષણ શેર કરી છે.
તાપણાની હૂંફ અને પિતા-પુત્રીની મસ્તી
આ પણ વાંચો
લલિત દવેએ શેર કરેલા વીડિયોમાં જોવા મળે છે કે, પિતા અને પુત્રી કડકડતી ઠંડીમાં તાપણું કરીને બેઠા છે. બંને કોઈ વિષય પર ગંભીર ચર્ચામાં વ્યસ્ત છે અને વચ્ચે-વચ્ચે હસી પણ રહ્યા છે. આ દ્રશ્યોમાં પિતા-પુત્રી વચ્ચેનો જે મૈત્રીપૂર્ણ સંબંધ છે તે સ્પષ્ટપણે દેખાઈ રહ્યો છે.
પોસ્ટ દ્વારા ટીકાકારોને આપ્યો જવાબ
વીડિયોની સાથે લલિત દવેએ હિન્દીમાં એક સૂચક કેપ્શન લખ્યું છે, જે લોકોમાં ચર્ચાનું કેન્દ્ર બન્યું છે. તેમણે લખ્યું છે કે, "નવા વર્ષમાં લોકોનો બહારનો દેખાવો શું છે અને ભીતર શું ચાલી રહ્યું છે તે આપણને ખબર નથી. પણ જો અમારી વાત કરીએ તો અમે અંતરાત્માથી ખૂબ જ ખુશ અને પ્રફુલ્લિત છીએ. અમારા વિશે કોણ શું કહે છે તે તેમની સોચ છે, પણ અમારી પોઝિટિવિટી સામે કોઈ નેગેટિવિટી કામ કરતી નથી લાલા… અમે અમારી મસ્તીમાં મસ્ત છીએ."
સોશિયલ મીડિયા પર લોકોનો પ્રતિસાદ
લલિત દવેની આ પોસ્ટને તેમના ચાહકો ખૂબ પસંદ કરી રહ્યા છે. લોકો કોમેન્ટમાં જણાવી રહ્યા છે કે બાપ-દીકરીની આ જોડી ખરેખર પ્રેરણાદાયક છે. ખાસ કરીને લલિત દવેએ જે રીતે 'નેગેટિવિટી' ફેલાવનારાઓને પોતાની મસ્તીમાં રહીને જવાબ આપ્યો છે, તે લોકોના દિલ જીતી રહ્યો છે. આ પોસ્ટના અંતમાં તેમણે પરંપરાગત શૈલીમાં 'જય ચેહર સરકાર જેસંગપુરા' લખીને માતાજીના આશીર્વાદ પણ માંગ્યા છે.