EDII Ahmedabad: એન્ટરપ્રેન્યોરશિપ ડેવલપમેન્ટ ઇન્સ્ટિટ્યૂટ ઑફ ઇન્ડિયા (EDII) અમદાવાદે મિનિસ્ટ્રી ઑફ માઇક્રો, સ્મોલ એન્ડ મીડિયમ એન્ટરપ્રાઇઝિસ, ભારત સરકારના સહયોગથી 23-24 સપ્ટેમ્બર, 2026ના રોજ ‘ઇન્ડસ્ટ્રી 5.0 ટ્રાન્ઝિશનનું નેતૃત્વ કરવા માટે MSMEને સશક્ત બનાવવા’ વિષય પર બે દિવસીય આંતરરાષ્ટ્રીય પરિષદનું ઉદ્ઘાટન કર્યું હતું.
આ પરિષદનો ઉદ્દેશ નીતિ ઘડનારા,ઉદ્યોગ જગતના અગ્રણીઓ, ઉદ્યોગસાહસિકો, નિષ્ણાતો, શિક્ષણ જગત અને અન્ય હિતધારકોને એક એવું મંચ પૂરું પાડવાનો હતો, જ્યાં તેઓ ટેક્નોલોજી અપનાવવા, ઇનોવેશન અને સસ્ટેનેબિલિટી પર ધ્યાન કેન્દ્રિત કરીને ઇન્ડસ્ટ્રી 5.0 ટ્રાન્ઝિશનમાં MSMEની બદલાતી ભૂમિકા અંગે વિચાર-વિમર્શ કરી શકે.
ભારત સરકારના MSME મંત્રાલયના જોઇન્ટ સેક્રેટરી મર્સી એપાઓએ કહ્યું કે MSME કોઈપણ દેશના વિકાસની ચાવી છે. તેમનો વિકાસ સુનિશ્ચિત કરવા માટે અનુકૂળ નીતિઓ અને સહાયક ઇકોસિસ્ટમ દ્વારા તેમને પ્રોત્સાહન આપવું જરૂરી છે, કારણ કે તેમનો વિકાસ આખરે રાષ્ટ્રીય અર્થતંત્રના વિકાસમાં યોગદાન આપે છે.
વિશ્વ જેમ જેમ ઇન્ડસ્ટ્રી 5.0 તરફ આગળ વધી રહ્યું છે, તેમ MSME માટે પોતાના વિકાસના કેન્દ્રમાં લોકો,સસ્ટેનેબિલિટી અને પડકારોનો સામનો કરવાની ક્ષમતાને રાખીને ઉભરતી ટેક્નોલોજીને સમજવી અને અપનાવવી મહત્વપૂર્ણ છે. મને વિશ્વાસ છે કે આ પરિષદ શ્રેષ્ઠ કાર્યપદ્ધતિઓને શેર કરવા, નવી તકો શોધવા અને સાર્થક જોડાણો સ્થાપિત કરવા માટે એક મહત્વપૂર્ણ મંચ તરીકે કામ કરશે, જેનાથી MSMEના વિકાસ અને સ્પર્ધાત્મકતા માટે મજબૂત પાયો તૈયાર થશે.
EDIIના ડિરેક્ટર જનરલ ડૉ. સુનીલ શુક્લાએ પોતાના વિચારો વ્યક્ત કરતાં કહ્યું કે MSME વિવિધ દેશોની અર્થવ્યવસ્થાના વિકાસમાં મહત્વપૂર્ણ ભૂમિકા ભજવી રહ્યા છે.ભારતમાં MSME સાથે સંબંધિત અનેક લાભદાયી યોજનાઓ અને નીતિઓ છે અને આ ક્ષેત્રને મજબૂત બનાવવા માટે સતત નવા ઉપાયો અને માર્ગો વિકસાવવામાં આવી રહ્યા છે.
MSME (ઇન્ડસ્ટ્રીઝ એન્ડ માઇન્સ ડિપાર્ટમેન્ટ) કમિશનર,IAS ક્ષિપ્રા અગ્રે ગુજરાત સરકારએ કહ્યું કે આર્થિક વિકાસમાં નોંધપાત્ર યોગદાન આપવાનું લક્ષ્ય ધરાવતા MSME ઉદ્યોગસાહસિકો માટે ઉદ્યોગસાહસિકતા સંબંધિત કુશળતા એક મહત્વપૂર્ણ પરિબળ છે.