Fuel Supply Crisis:સ્ટેટ લેવલ કોઓર્ડિનેટર (SLC) ગુજરાત દ્વારા જણાવવામાં આવ્યું છે કે પબ્લિક સેક્ટરની ઓઇલ માર્કેટિંગ કંપનીઓ (OMCs) — ઇન્ડિયન ઓઇલ, BPCL અને HPCL —રાજ્ય અને દેશના કેટલાક પ્રદેશોમાં ઇંધણની માંગમાં થયેલા વધારા વચ્ચે પેટ્રોલ (MS), ડીઝલ (HSD) અને એલપીજી (LPG) ની અવિરત ઉપલબ્ધતા સુનિશ્ચિત કરવા માટે દેશભરમાં કામગીરી અને લોજિસ્ટિક્સ સંકલન સતત ચાલુ રાખી રહી છે.
તાજેતરના દિવસોમાં, OMCs એ પેટ્રોલિયમ પેદાશોના ઉપાડમાં નોંધપાત્ર વધારો જોયો છે જે નીચે આપેલા કોષ્ટક પરથી સ્પષ્ટ થાય છે:
| રાજ્ય | જિલ્લો | ચાલુ વર્ષ (CY) વોલ્યુમ (KL માં) | ગત વર્ષ (LY) વોલ્યુમ (KL માં) | ગત વર્ષ કરતા ટકાવારી વૃદ્ધિ (% Growth) |
| ગુજરાત | અમદાવાદ | 44414 | 31990 | 39% |
| આણંદ | 8717 | 5441 | 60% | |
| અરવલ્લી | 7019 | 5227 | 34% | |
| બનાસકાંઠા | 23794 | 14383 | 65% | |
| ગાંધીનગર | 11105 | 8330 | 33% | |
| ખેડા | 10098 | 7502 | 35% | |
| મહેસાણા | 13426 | 8986 | 49% | |
| પાટણ | 6745 | 4765 | 42% | |
| સાબરકાંઠા | 8048 | 5284 | 52% | |
| વાવ-થરાદ | 1306 | 918 | 42% | |
| અમરેલી | 8996 | 6630 | 36% | |
| ભાવનગર | 12458 | 7828 | 59% | |
| બોટાદ | 3709 | 2071 | 79% | |
| દેવભૂમિ દ્વારકા | 7361 | 5502 | 34% | |
| ગીર સોમનાથ | 6177 | 3509 | 76% | |
| જામનગર | 12104 | 8586 | 41% | |
| જૂનાગઢ | 8924 | 5768 | 55% | |
| કચ્છ | 48378 | 27671 | 75% | |
| મોરબી | 22354 | 18349 | 22% | |
| પોરબંદર | 5327 | 3531 | 51% | |
| રાજકોટ | 24367 | 15777 | 54% | |
| સુરેન્દ્રનગર | 17746 | 12724 | 39% | |
| ભરૂચ | 19728 | 16635 | 19% | |
| છોટાઉદેપુર | 5389 | 3904 | 38% | |
| દાહોદ | 6247 | 4886 | 28% | |
| મહીસાગર | 2306 | 1754 | 31% | |
| નર્મદા | 1941 | 1463 | 33% | |
| નવસારી | 11568 | 9205 | 26% | |
| પંચમહાલ | 7640 | 6511 | 17% | |
| સુરત | 38172 | 29734 | 28% | |
| તાપી | 7653 | 5743 | 33% | |
| ડાંગ | 727 | 502 | 45% | |
| વડોદરા | 25440 | 17263 | 47% | |
| વલસાડ | 13342 | 12027 | 11% | |
| કુલ ગુજરાત રાજ્ય | 452726 | 320399 | 41% |
ઇંધણની આ વધેલી માંગ પાછળ વિવિધ પરિબળો જવાબદાર છે, જેમ કે ગ્રામીણ કૃષિ વિસ્તારમાં ખેડાણ અને લણણી (કાપણી) ની મોસમી પ્રવૃત્તિઓ. આ ઉપરાંત, જાહેર ક્ષેત્ર (PSU) સિવાયના અન્ય ખાનગી સપ્લાયર્સ વચ્ચેના ભાવ તફાવતને કારણે ગ્રાહકો જાહેર ક્ષેત્રના રિટેલ આઉટલેટ્સ (પેટ્રોલ પંપ) તરફ વળ્યા છે અને સંસ્થાકીય/વાણિજ્યિક ગ્રાહકો રિટેલ ઇંધણ આઉટલેટ્સ તરફ શિફ્ટ થવાને કારણે આ વધારાની માંગ ઊભી થઈ છે.
જાહેર ક્ષેત્રની OMCs તેમના ટર્મિનલ્સ, ડેપો, પાઇપલાઇન્સ, એલપીજી બોટલિંગ પ્લાન્ટ્સ અને રિટેલ આઉટલેટ્સના વ્યાપક દેશવ્યાપી નેટવર્ક દ્વારા અવિરત પુરવઠો જાળવી રાખે છે. બજારોમાં ઉત્પાદનોની અવિરત અવરજવર અને સમયસર પુનઃપૂર્તિ (રિપ્લેનિશમેન્ટ) સુનિશ્ચિત કરવા માટે સપ્લાય ટીમો, પરિવહન નેટવર્ક, ટર્મિનલ કામગીરી અને પસંદગીના રિટેલ આઉટલેટ્સ ચોવીસે કલાક (24 કલાક) કાર્યરત છે. જાહેર ક્ષેત્રની OMCs ઇંધણના અવિરત પુરવઠા માટે રાજ્ય વહીવટીતંત્ર સાથે ગાઢ સંકલન જાળવી રહી છે.
ઓઇલ ઇન્ડસ્ટ્રી ગ્રાહકોને આશ્વાસન આપવા માંગે છે કે દેશભરમાં પેટ્રોલ, ડીઝલ અને એલપીજીનો પૂરતો સ્ટોક ઉપલબ્ધ છે અને સરળ તેમજ અવિરત પુરવઠો જાળવી રાખવા માટે તમામ જરૂરી પગલાં લેવામાં આવી રહ્યા છે.
નાગરિકોને તેમની સામાન્ય ખરીદી ચાલુ રાખવા અને ગભરાટમાં આવીને ખરીદી (પેનિક બાઇંગ) ન કરવાની સલાહ આપવામાં આવે છે. ગ્રાહકોને ઇંધણની ઉપલબ્ધતા સંબંધિત સચોટ માહિતી માટે માત્ર અધિકૃત એજન્સીઓ અને ઓઇલ માર્કેટિંગ કંપનીઓ દ્વારા જારી કરાયેલા સત્તાવાર સંદેશાવ્યવહાર પર જ વિશ્વાસ રાખવા વિનંતી કરવામાં આવે છે.