Ahmedabad: અમદાવાદ શહેરના શાહીબાગ વિસ્તારમાં સ્ટેટ મોનિટરિંગ સેલ (SMC)ની ટીમ દ્વારા ફાયરિંગ કરવામાં આવ્યું હોવાની ઘટના સામે આવી છે.
આ અંગે પ્રાપ્ત વિગતો પ્રમાણે, SMCની ટીમે શાહીબાગથી બુટલેગરની ગાડીનો પીછો કર્યો હતો. જો કે બુટલેગરે ગાડી થોભાવાની જગ્યાએ મારી મૂકી હતી. આ દરમિયાન એરપોર્ટ સર્કલથી ઈન્દિરા બ્રિજ જવાનો રોડ પર બુટલેગરે SMCના કાફલા પર ગાડી ચડાવવાનો પ્રયાસ કર્યો હતો.
જેથી SMCની ટીમે સ્વબચાવમાં બુટલેગરની ગાડી પર ફાયરિંગ કર્યું હતુ. આ દરમિયાન અફરાતફરીનો લાભ લઈને બુટલેગર SMCની ટીમને થાપ આપીને નાસી છૂટવામાં સફળ થયો હતો. હાલ તો આ સમગ્ર મામલે એરપોર્ટ પોલીસ સ્ટેશનમાં બુટલેગર વિરુદ્ધ ગુનો નોંધવા તજવીજ હાથ ધરાઈ છે.