Gujarat Local Body Polls: આમ આદમી પાર્ટીએ 2500થી વધુ ઉમેદવારોનું બીજું લિસ્ટ જાહેર કર્યું, સામાન્ય લોકોને તક આપી

Ahmedabad: આગામી 23 એપ્રિલના રોજ સ્થાનિક સ્વરાજ્યની ચૂંટણી માટે મતદાન થવાનું છે, ત્યારે ગુજરાતમાં રાજકારણ ગરમાયું છે. એકતરફ ભાજપ અને કોંગ્રેસ દ્વારા ઉમેદવારોની પસંદગી માટે સેન્સ લેવાની પ્રક્રિયા ચાલી રહી છે, ત્યાં આમ આદમી પાર્ટી દ્વારા ઉમેદવારોનું બીજું લિસ્ટ જાહેર કરી દેવામાં આવ્યું છે.

આ અંગે AAPના પ્રદેશ સંગઠન મહામંત્રી મનોજ સોરઠિયા દ્વારા પોતાના સોશિયલ મીડિયામાં પોસ્ટ મૂકવામાં આવી છે. જેમાં તેમણે જણાવ્યું કે, અમારી પાર્ટી સ્થાનિક સ્વરાજ્યની ચૂંટણી માટે 2500થી વધુ ઉમેદવારોની બીજી યાદી જાહેર કરવા જઈ રહી છે. તમામ યુવાનો, નાના માણસો જેમને અત્યાર સુધી રાજનીતિની અંદર તક નથી મળી, તેવા તમામ લોકોને અમારી આમ આદમી પાર્ટી ગર્વ સાથે તક આપી રહી છે.

Earthquake In India: દિલ્હી-NCR સહિત ઉત્તર ભારતમાં ધરતી ધ્રુજી ઉઠી, ભૂકંપનું કેન્દ્રબિંદુ અફઘાનિસ્તાનમાં નોંધાયું

આ યાદીમાં અલગ-અલગ વિસ્તારોમાં અલગ-અલગ સમાજોમાંથી યુવાનો, વડીલો, બહેનોને તક આપવામાં આવી છે. આ ટીમ લોકોના અધિકારોની લડાઈ આગળ વધારવા માટે મેદાનમાં ઉતરવા જઈ રહી છે. તમામ ઉમેદવારોને જીત માટે શુભેચ્છા.

જણાવી દઈએ કે, ગત મહિનાના અંતમાં જ સ્થાનિક સ્વરાજ્યની ચૂંટણીની જાહેરાત થાય તે પહેલા જ આમ આદમી પાર્ટી દ્વારા 460થી વધુ ઉમેદવારોની પ્રથમ યાદી જાહેર કરી દીધી હતી. આ તકે પણ આમ આદમી પાર્ટી દ્વારા તાલુકાથી માંડીને મનપા સુધી સામાન્ય નાગરિકોને ટિકિટ આપવામાં આવી હોવાનો દાવો કરવામાં આવ્યો હતો.