અમદાવાદમાં કોમનવેલ્થ ગેમ્સ 2030ની તૈયારી: રુ. 240 કરોડના ખર્ચે 3D મેપ, 25 લાખ મિલકતોનું જીઓ-કોડિંગ અને ડ્રેનેજ લાઈનોનો રિપોર્ટ કરાશે તૈયાર

Ahmedabad News: અમદાવાદમાં વર્ષ 2030માં યોજાનારી કોમનવેલ્થ ગેમ્સની પૂર્વ તૈયારી અને વૈશ્વિક સ્તરનું ઇન્ફ્રાસ્ટ્રક્ચર પૂરુ પાડવા માટે અમદાવાદ મહાનગરપાલિકા દ્વારા મોટો નિર્ણય લેવામાં આવ્યો છે. ઈ-ગવર્નિંગ કમિટી દ્વારા અમદાવાદ શહેરનો અત્યાધુનિક જીઓગ્રાફિક ઇન્ફોર્મેશન સિસ્ટમ ડેટાબેઝ તૈયાર કરવાની મંજૂરી આપી દીધી છે. આશરે 240 કરોડના અંદાજિત ખર્ચે હાથ ધરાનારા આ પ્રોજેક્ટમાં શહેરની 25 લાખ મિલકતોનું જીઓ કોડિંગ કરાશે તેમજ વર્ષો જૂની પાણી, ડ્રેનેજ અને સ્ટોર્મ વોટર લાઇનોનું થ્રીડી મેપિંગ કરવામાં આવશે।

2.5 વર્ષમાં કામગીરી થશે પૂર્ણ

આ સમગ્ર સર્વે પ્રોજેક્ટ ખાનગી એજન્સી જેનેસિસ ઇન્ટરનેશનલ કોર્પોરેશન લિમિટેડ દ્વારા અઢી વર્ષ એટલે અંદાજે 30 મહિનામાં પૂર્ણ કરવામાં આવશે. સર્વે પૂરો થયા બાદ આગામી 5 વર્ષ સુધી કંપની જ તેના મેન્ટેનન્સની જવાબદારી સંભાળશે. ઉપરાંત પ્રથમ તબક્કામાં 9 લાખ અને બીજા તબક્કામાં 16 લાખ મિલકતોનું જીઓ કોર્ડિંગ હાથ ધરાશે. આ જીઆઈએસ ડેટાનો ઉપયોગ AMCના તમામ વિભાગો એક જ પ્લેટફોર્મ પરથી કરી શકશે.

3D મેપ અને જીઓ-કોડિંગ સર્વે કેવી રીતે થશે?

અમદાવાદવાસીઓને મળશે મુખ્ય ફાયદો

• પબ્લિક પોર્ટલ દ્વારા નાગરિકો ઘરે બેઠા શહેરની ભૌગોલિક સ્થિતિ અને સિવિક સુવિધાઓ જોઈ શકશે.
• અંડરગ્રાઉન્ડ લાઈનો માટે આડેધડ ખોદકામ બંધ થશે, જેથી ટ્રાફિકની સમસ્યામાં ઘટાડો થશે.
• બિલ્ડીંગ પ્લાન, ફાયર એનઓસી અને ટેક્સ સંબંધિતસ કામગીરી ડિજિટલ થતાં પારદર્શિતા વધશે.
• ગટર કે રોડના ખાડાની ફરિયાદ જીઓ ટેગિંગ સાથે થશે, જેથી AMC અધિકારીઓ તુર્ંત સ્થળ પર પહોંચી કામગીરી કરશે.

આ પ્રોજેક્ટથી કોર્પોરેશનને શું ફાયદો?

• ટેક્સની આવકમાં વધારો: ચોપડે ન નોંધાયેલી મિલ્કતો ઓળખાતા પ્રોપર્ટી ટેક્સની આવક વધશે.
• સચોટ રિપેરિંગ: પાણી કે ગટરની લાઇનમાં લીકેજ થાય ત્યારે આખો ખોદવાને બદલે માત્ર ફોલ્ટવાળી જગ્યાએ જ ખોદકામ કરવું પડશે.
• દબાણો પર રોક: AMCની માલિકીના પ્લોટ, રિઝર્વ સ્પેસ અને એસ્ટેટ મિલકતોનું જીઓ-કોડિંગ થવાથી ગેરકાયદેસર દબાણો તુરંત પકડાશે.
• સ્માર્ટ સિટી પ્લાનિંગ: 3D મોડેલના આધારે ભવિષ્યના ઈન્ફ્રાસ્ટ્રક્ચર અને ઝોનિંગનું સચોટ આયોજન શક્ય બનશે.