Ahmedabad Airport: ભારતના સૌથી મોટા ખાનગી એરપોર્ટ સંચાલક અદાણી એરપોર્ટ હોલ્ડિંગ્સ લિ.(AAHL) એ અમદાવાદના સરદાર વલ્લભભાઈ પટેલ ઇન્ટરનેશનલ એરપોર્ટ (SVPIA)ના ટર્મિનલ 2 (T2) ના આગમન વિસ્તારને અડીને આવેલા બેસ્ટિયન હોસ્પિટાલિટી સાથે ભાગીદારીમાં 'Maison 27'ની શરુઆત કરી છે. Maison 27 દ્વારા ગુરુવાર તા.21 મેથી સત્તાવાર રીતે શરૂ કરવામાં આવેલી રાત્રિભોજન સેવાઓ બેસ્ટિયન હોસ્પિટાલિટીના અમદાવાદમાં આગમનને ચિહ્નિત કરે છે. આ બ્રાન્ડ હાલ મુંબઈ, પુણે અને બેંગલુરુમાં ભારતના કેટલાક સૌથી જાણીતા ડાઇનિંગ અને લાઇફસ્ટાઇલ સ્થળોનું સંચાલન કરે છે.
A new culinary and wellness destination awaits at #AhmedabadAirport.
— Ahmedabad Airport (@ahmairport) May 21, 2026
Maison Twenty Seven by Bastian opens at Terminal 2 Arrivals, bringing together dining, relaxation, and curated entertainment, all under one roof.
Step in, indulge, and make your airport experience truly… pic.twitter.com/XIeKIBPQT5
ડાઈનિંગ અને વેલનેસનો અદ્ભુત સંગમ
સરદાર વલ્લભભાઈ પટેલ આંતરરાષ્ટ્રીય હવાઇમથકના T2 ની બાજુમાં અને GIFT સિટીની નજીક આવેલા Maison 27ની કલ્પના આધુનિક ભારતીય જીવન શૈલી અને મુસાફરીના ભવિષ્ય માટે આ પ્રકારના રચાયેલા પ્રથમ સંકલિત આતિથ્ય, સુખાકારી અને મનોરંજનના સ્થળ તરીકે કરવામાં આવી છે. ભારતના પ્રથમ એરપોર્ટ-સંકલિત આતિથ્ય અને સુખાકારી સ્થળ તરીકે કલ્પના કરવામાં આવેલી અને 52,000 ચોરસ ફૂટમાં ફેલાયેલી Maison 27 એક જ ઇકોસિસ્ટમમાં ડાઇનિંગ, વેલનેસ, રિકવરી, મનોરંજન અને સમુદાય-સંચાલિત અનુભવોને સાંકળે છે. T2 આગમન વિસ્તારની સીધી બાજુએ આવેલું આ સ્થળ પ્રવાસીઓ, વ્યાવસાયિકો, પરિવારો અને અમદાવાદના રહેવાસીઓને ધ્યાને રાખી ડિઝાઇન કરવામાં આવ્યું છે.
Maison 27માં મુસાફરો આનંદ માણી શકશે
Maison 27 અમદાવાદના મુખ્ય પરિવહન, વાણિજ્ય અને જીવનશૈલી સ્થળમાં વ્યાપક પરિવર્તન સાથે સંરેખિત આ પ્રકલ્પ AAHL ની ઝડપથી વિસ્તરતી એરપોર્ટ ઇકોસિસ્ટમ વૈશ્વિક નાણાકીય અને વ્યવસાય હબ તરીકે ઉપસી રહેલા ગાંધીનગરના GIFT સિટીનું પણ પૂરક છે. એરપોર્ટ નેટવર્કમાં પ્રીમિયમ ટ્રાવેલ, લાઉન્જ અને મુસાફરોના અનુભવોને વધારવા પર ધ્યાન કેન્દ્રિત કરતા કંપનીના એક ગેસ્ટ સર્વિસ પ્લેટફોર્મ પ્રણામ સેવા મુસાફરોને ફ્લાઇટમાં બેસવાની ચિંતા કર્યા વિના Maison 27 માં સેવાનો આનંદ માણવાની મોકળાશ આપશે.
Maison 27માં આતિથ્ય અને સુખાકારી
આ પ્રસંગે બાસ્ટિયન હોસ્પિટાલિટીના સ્થાપક રણજીત બિન્દ્રાએ જણાવ્યું હતું કે, Maison 27 એ ભારતમાં સૂરુચિ પૂર્ણ ભોજન અને જીવનશૈલીના સ્થળોના અનુભવનો દસકો પૂર્ણ કર્યો છે. તેમણે કહ્યું હતું કે, એક મહત્વપૂર્ણ ઉત્ક્રાંતિનું પ્રતિનિધિત્વ કરતી બાસ્ટિયન હોસ્પિટાલિટી અંતર્ગત અમે એક એવી જગ્યા બનાવવા માંગતા હતા. જેમાં આધુનિક ગ્રાહકો કેવી રીતે વધુને વધુ મુસાફરી કરે છે, કાર્ય કરે છે, સ્વસ્થ થાય અને જોડાઇને તેના પ્રતિભાવ આપે. આ વ્યુહાત્મક સ્થળ આસપાસ ઝડપી વૃદ્ધિ સાથે અમદાવાદે એક વિચાર માટે સંપૂર્ણ વાતાવરણ પુરુ પાડ્યું છે.
આધુનિક પ્રવાસીઓ અને શહેરી ગ્રાહકોનું જોડાણ
અદાણી એરોપોર્ટ હોલ્ડીંગસના CEO અરુણ બંસલે જણાવ્યું હતું કે, અદાણી સંચાલિત એરપોર્ટ ખાતે મુસાફરીથી ઘણા આગળ વધીને અમે ગતિશીલ જીવનશૈલી અને સામાજિક ઇકોસિસ્ટમની અમારી નવેસરથી કલ્પનાને મેઇસન ટ્વેન્ટી-સેવન નવા અનુભવો સ્થાપવાની અમારી પ્રતિબદ્ધતા દર્શાવે છે. તેમણે કહ્યું હતું કે, આતિથ્ય અને સુખાકારીથી લઈને ભોજન અને સામુદાયિક જગ્યાઓ સુધી, ગંતવ્ય સ્થાનના તમામ પાસા સાથે આધુનિક પ્રવાસીઓ અને શહેરી ગ્રાહકોને કેવી રીતે જોડવા માંગે છે. તેના ઊંડા વ્યવહારુ અભિગમ દ્વારા આકાર આપવામાં આવ્યો છે. વૈશ્વિક સ્તરે મહત્વપૂર્ણ વિકાસ કેન્દ્ર તરીકે ઉભરી રહેલા અમદાવાદ અને ગિફ્ટ સિટીના સંદર્ભમાં Maison 27 જેવા સ્થળો શહેરી અનુભવોને આકાર આપવામાં એરપોર્ટની ભૂમિકાને ફરીથી વ્યાખ્યાયિત કરશે.
મોટા પ્રતિનિધિઓને પૂરક બનાવવા મેઈસન ટ્વેન્ટી સેવન આગળ છે.
અભિનેત્રી, સ્વતંત્ર ઉદ્યોગ સાહસિક, બેસ્ટિલિટીના સહસ્થાપક શિલ્પા શેટ્ટીએ જણાવ્યું હતું કે, સુખાકારી ફક્ત ફિટનેસ સુધી મર્યાદિત નથી. તે અર્થપૂર્ણ છે સમય, પરિવાર સાથે સમય અને આહલાદક અનુભવો કેવી રીતે સ્થાપે છે, તેને આકાર આપે છે. ગુજરાત ટોચના પ્રથમ અર્થતંત્ર અને એક વિકાસ કોરિડોર તરીકે ઉભરી રહ્યું છે. ત્યારે અમદાવાદ, ગીફ્ટ સિટી અને વિકસતી ઇકોસિસ્ટમની આસપાસના મોટા પ્રતિનિધિઓને પૂરક બનાવવા માટે Maison 27 આગળ આવી છે.
વેલનેસ Maison 27ના કેન્દ્રમાં
Maison 27 ખાતે રાંધણકલાની ફિલસૂફી આઇકોનિક બાસ્ટિયનના ડીએનએમાં ઊંડા મૂળ ધરાવે છે. ડેસ્ટિનેશનનો ફૂડ અને બેવરેજ પ્રોગ્રામ ટ્રાન્ઝિટ ભોજન, બિઝનેસ મીટિંગ્સ, ફેમિલી ડાઇનિંગ, મોડી રાત સુધી મનોરંજન, વેલનેસ-કેન્દ્રિત પોષણ અને કોફીની કેઝ્યુઅલ પળો માણવા આગળ વધવાના હેતુથી ડિઝાઇન કરવામાં આવ્યો છે. વેલનેસ Maison 27ના કેન્દ્રમાં છે. આ સ્થળે ક્રાયોથેરાપી, HBOT, ગરમ અને ઠંડા પ્લન્જ પુલ, સ્ટીમ અને સોના રૂમ, ડ્રાય ફ્લોટેશન થેરાપી, યોગ અને સાઉન્ડ હીલિંગ સ્ટુડિયો, સલૂન અનુભવો અને ઇન્ડોર અને આઉટડોર ફિટનેસ સ્પેસનો સમાવેશ થાય છે.