Ahmedabad 149th Rath Yatra: ભગવાન જગન્નાથજીની નેત્રોત્સવ વિધિ સંપન્ન, હર્ષ સંઘવી પર પુષ્પવર્ષા થઈ; રથયાત્રા રૂટનું નિરીક્ષણ કર્યું

Ahmedabad 149th Jagannath Rath Yatra: અમદાવાદના અસ્મિતા પર્વ સમાન 149મી જગન્નાથજીની રથયાત્રા મહોત્સવ શરૂ થયો છે. મંદિર પ્રશાસન દ્વારા જાહેર કરાયેલા સત્તાવાર કાર્યક્રમ મુજબ, અષાઢી બીજના પવિત્ર દિવસે, 16 જુલાઈ અને ગુરુવારે સવારે 7:00 વાગ્યે ભગવાન જગન્નાથજી, બહેન સુભદ્રાજી અને ભાઈ બળદેવજી નગરચર્યાએ નીકળશે.

ભગવાનની નેત્રોત્સવ વિધિ અને મહાઆરતી

આજે 14 જુલાઈ મંગળવારે વહેલી સવારે 6 વાગ્યે ત્રણેય મૂર્તિઓની ગર્ભગૃહમાં આવેલી પવિત્ર રત્નવેદી પર શાસ્ત્રોક્ત વિધિથી પ્રતિષ્ઠા કરવામાં આવી અને સૌથી મહત્વની ગણાતી એવી નેત્રોત્સવ વિધિ કરવામાં આવી હતી. મંદિર પર ધ્વજારોહણ કર્યા બાદ કપાટ ખોલી દેવામાં આવ્યા અને ભગવાનના દર્શન સાથે મહાઆરતી કરવામાં આવી હતી. 

હર્ષ સંઘવીએ કરી આરતી અને રૂટ નિરીક્ષણ

આજના વિશેષ કાર્યક્રમ બાદ ગૃહમંત્રી હર્ષ સંઘવીએ મંદિરમાં વિશેષ પૂજા-અર્ચના કરી અને ભગવાનની આરતી ઉતારી હતી. ત્યારબાદ, 31 હજાર પોલીસ જવાનોના બંદોબસ્ત સાથે ચાલીને હર્ષ સંઘવીએ રથયાત્રાના રૂટનું નિરીક્ષણ કર્યું હતું. રથયાત્રા રૂટ નિરીક્ષણ સમયે લોકો દ્વારા હર્ષ સંઘવીનું ફૂલવર્ષાથી ભવ્ય સ્વાગત કરવામાં આવ્યું હતું.