Heart Attacks in Gujarat: ગત 6 મહિનામાં ગુજરાતમાં દર કલાકે સરેરાશ 223 લોકો હૃદયની બીમારીનો શિકાર થયા, હૃદયના ઈમરજન્સીના 30% કેસ અમદાવાદમાંથી

Gujarat Heart Attack News: છેલ્લા કેટલાક સમયથી ક્રિકેટ રમતાં, ઓફિસમાં કામ કરતી વખતે, ડાન્સ કરતાં-કરતાં હાર્ટ એટેક આવવાના કેસ છાસવારે સામે આવી રહ્યા છે. ગુજરાતમાં પણ છેલ્લા કેટલાક સમયથી હૃદય રોગની સમસ્યામાં વધારો જોવા મળ્યો છે. છેલ્લા 6 મહિનામાં રાજ્યમાં હૃદયને લગતી ઈમરજન્સીના 40,047 કેસ નોંધાયા છે. આ સ્થિતિએ ગુજરાતમાં પ્રતિ દિવસે 223 અને પ્રતિ કલાકે સરેરાશ 9 જેટલા લોકો હૃદયને લગતી બીમારીના શિકાર બને છે.

ગુજરાતમાં 6 મહિનામાં હૃદયને લગતી ઈમરજન્સીના કેસ

અમદાવાદમાં 6 મહિનામાં હૃદયને લગતી ઈમરજન્સીના કેસ

સિવિલની હાર્ટ હોસ્પિટલમાં છેલ્લા પાંચ વર્ષમાં દર્દી

હાર્ટ એટેકના લક્ષણો
છાતી ભારે લાગવી,પરસેવો વળી જવો, ધબકારા વધી જવા અથવા ધબકારા સંભાળાવવા, શ્વાસ લેવામાં તકલીફ થવી, ચક્કર આવવા અથવા આંખે અંધારા આવી જવા, અશક્તિ લાગવી તેમજ એસીડીટી જેવુ લાગવું, પીઠદર્દ થવું, જડબામાં દુઃખવું, હાથ ભારે લાગવા મુખ્ય લક્ષણો હોય છે.

ડોક્ટરોના મતે હૃદયની સમસ્યાના કેસમાં વધારો થવા માટે ફાસ્ટફૂડ, લાઇફ સ્ટાઇલ મુખ્ય જવાબદાર પરિબળ છે. અનેક લોકો પૂરતી કસરત કે નિયમિત વોકિંગમાં ગયા વિના અચાનક વધારે પડતો શ્રમ લઇ લે તેવા કિસ્સામાં પણ હ્રદયરોગનો હુમલો આવતો હોય છે.

યોગ્ય આહારશૈલી, નિયમિત વોકિંગ-કસરત, પૂરતી ઊંઘથી હૃદયની તંદુરસ્તીમાં વધારો કરી શકાય છે. ડોક્ટરોના મતે હાર્ટ એટેકથી બચવા તણાવમુક્ત જીવ, નિયમિત આહાર, પુરતી ઊંઘ-આરામ, સારો સાત્વીક ખોરાક, તાજા, લીલા શાકભાજી તથા ફળ યુક્ત ખોરાક વધારે લેવા જોઈએ.