Prem Sagar Death: સુપ્રસિદ્ધ ફિલ્મ નિર્માતા રામાનંદ સાગરના પુત્ર અને નિર્માતા શિવ સાગરના પિતા પ્રેમ સાગરનું આજે સવારે 10 વાગ્યે નિધન થયું છે. તેઓ 84 વર્ષના હતા. તેઓ છેલ્લા કેટલાક સમયથી બીમાર હતા અને મુંબઈની બ્રીચ કેન્ડી હોસ્પિટલમાં દાખલ હતા. રવિવારે ડોક્ટરોએ તેમને ઘરે લઈ જવાની સલાહ આપી હતી અને આજે સવારે તેમનું અવસાન થયું..
અંતિમ સંસ્કાર અ આવ્યા
પ્રેમ સાગરના અંતિમ સંસ્કાર આજે બપોરે 3 વાગ્યે મુંબઈના પવન હંસ સ્મશાનગૃહમાં કરવામાં આવ્યા હતા. સાગર વર્લ્ડે આ દુઃખદ સમાચાર ઇન્સ્ટાગ્રામ સ્ટોરી પર શેર કર્યા હતા. જેમાં લખ્યું હતું કે ખૂબ જ દુઃખ માહિતી આપવામાં આવે છે કે શ્રી પ્રેમ સાગરજી હવે આપણી વચ્ચે નથી. તેમની અંતિમ યાત્રા બપોરે 2:30 વાગ્યે પવન હંસ જુહુ ખાતે કાઢવામાં આવી હતી. તેમના આત્માને શાંતિ મળે. ઓમ શાંતિ.
સાગર પરિવારના વારસાને આગળ ધપાવ્યો
પ્રેમ સાગર એક અનુભવી નિર્માતા ઉપરાંત એક કુશળ સિનેમેટોગ્રાફર પણ હતા. તેમણે ભારતીય સિનેમા અને ટેલિવિઝન બંનેમાં સાગર પરિવારના વારસા અને પ્રભાવને આગળ ધપાવવામાં મુખ્ય ભૂમિકા ભજવી હતી. તેમના પિતા દ્વારા સ્થાપિત પ્રોડક્શન કંપની સાગર આર્ટ્સ હેઠળના તેમના કાર્યથી અનેક પ્રોજેક્ટ્સને આકાર મળ્યો.
સાગરે પુણે સ્થિત ફિલ્મ એન્ડ ટેલિવિઝન ઇન્સ્ટિટ્યૂટ ઓફ ઇન્ડિયા (FTII)માંથી તાલીમ મેળવી હતી અને તે વર્ષ 1968ની બેચના વિદ્યાર્થી હતા. અહીંથી તેણે ફોટોગ્રાફી અને સિનેમેટોગ્રાફીનો અભ્યાસ કર્યો.
પિતા સાથે રામાયણમાં યોગદાન આપ્યું
પ્રેમના પિતા રામાનંદ સાગરને પ્રખ્યાત ટેલિવિઝન ધારાવાહિક રામાયણના નિર્માણ માટે સૌથી વધુ યાદ કરવામાં આવે છે. આ ધારાવાહિકે ભારતીય ટેલિવિઝન પર એક અમીટ છાપ છોડી છે અને આજે પણ તેના સાંસ્કૃતિક પ્રભાવ માટે એટલી જ પ્રખ્યાત છે. રામાયણ સૌપ્રથમ 1987 માં દૂરદર્શન પર પ્રસારિત થઈ હતી, પ્રેમ સાગરે આ બેનરના અનેક પ્રોજેક્ટ્સમાં ફોટોગ્રાફર અને સિનેમેટોગ્રાફર તરીકે કામ કર્યું છે.
પ્રેમ સાગરે પણ આ પ્રોજેક્ટ્સ પર કામ કર્યું હતું
પ્રેમ સાગરે વિક્રમ ઔર વેતાળનું દિગ્દર્શન અને નિર્માણ કર્યું હતું, જેને તમામ ઉંમરના દર્શકોએ ખૂબ પસંદ કર્યું હતું. તેમણે અલિફ લૈલા, કાકભુશુંડી, રામાયણ અને કામધેનુ ગૌમાતા જેવા પ્રોજેક્ટ્સનું નિર્માણ કર્યું હતું. હમ તેરે આશિક, બસેરા જેવા પ્રોજેક્ટ્સને પ્રોડ્યૂસ કર્યાં હતા. તેઓ 1968માં આંખેના ઇલેક્ટ્રિકલ વિભાગમાં હતા અને વર્ષ 1976માં ચરસમાં સિનેમેટોગ્રાફર તરીકે કામ કર્યું હતું.