Nana Patekar Death Rumours: ભારતીય સિનેમાના દિગ્ગજ અને બહુમુખી પ્રતિભા ધરાવતા અભિનેતા નાના પાટેકર (વિશ્વનાથ ગજાનન પાટેકર) નું 8 ઓક્ટોબર, 2026ના રોજ ગોવામાં નિધન થતાં સમગ્ર ફિલ્મ જગત અને દેશભરમાં ઘેરા શોકની લહેર ફરી વળી છે. તેમના આકસ્મિક અવસાન બાદ ગોવાની પણજી પોલીસે ભારતીય નાગરિક સુરક્ષા સંહિતા (BNSS) ની કલમ 194 હેઠળ અસ્વાભાવિક મૃત્યુનો કેસ નોંધીને વધુ તપાસ હાથ ધરી છે. આ મામલાની તપાસ હાલ PSI નિતિન નાઈક કરી રહ્યા છે.
ઓપરેશન અને તપાસ અંગે પોલીસનો ખુલાસો
મળતી સત્તાવાર માહિતી અનુસાર, 8 ઓક્ટોબર 2026ના રોજ સવારે આશરે 8:07 વાગ્યે બાંબોલિમ સ્થિત મણિપાલ હોસ્પિટલના તબીબોએ પણજી પોલીસ સ્ટેશનને ઘટના અંગે જાણ કરી હતી. માહિતી મળતાં જ પોલીસ ટીમ હોસ્પિટલ પહોંચી હતી અને કાનૂની પ્રક્રિયા શરૂ કરી હતી. પોલીસ રેકોર્ડ અનુસાર, અભિનેતાનું કાયમી સરનામું મુંબઈના અંધેરી વેસ્ટનું નોંધાયેલું છે.
ડો. શેખર સાલકરના જણાવ્યા મુજબ, નાના પાટેકરે રાત્રે આશરે 2:30 વાગ્યે તેમના મિત્રને મેસેજ કરીને પોતાની તબિયત સારી ન હોવાની જાણ કરી હતી. પરંતુ રાત વધુ હોવાથી મિત્ર સમયસર મેસેજ જોઈ શક્યા નહોતા. સવારે 4:00 વાગ્યે જ્યારે મિત્ર અને કેરટેકર તેમના ફ્લેટ પર પહોંચ્યા ત્યારે નાના પાટેકર જમીન પર બેભાન અવસ્થામાં પડ્યા હતા અને તેમના શરીરે અતિશય પરસેવો વળી રહ્યો હતો. હોસ્પિટલની એમ્બ્યુલન્સ ઈમરજન્સી ટીમે સ્થળ પર પહોંચી CPR આપવાનું શરૂ કર્યું હતું. તેમને ત્વરિત હોસ્પિટલ ખસેડવામાં આવ્યા હતા, પરંતુ તબીબોએ તપાસ બાદ તેમને 'બ્રોટ ડેડ' જાહેર કર્યા હતા.
રાજ્ય સન્માન સાથે પુણેમાં અંતિમ સંસ્કાર
દિગ્ગજ અભિનેતાના પાર્થિવ દેહને પુણે નજીક ડોંજે ગામ સ્થિત તેમના ફાર્મહાઉસ પર લાવવામાં આવ્યો હતો, જ્યાં ગુરુવારે મોડી રાત્રે સંપૂર્ણ રાજ્ય સન્માન સાથે તેમના અંતિમ સંસ્કાર કરવામાં આવ્યા હતા. તેમના પુત્ર દ્વારા વિધિવત અંતિમ વિધિ સંપન્ન કરવામાં આવી હતી.
રાજકીય અને બોલિવૂડ હસ્તીઓએ આપી શ્રદ્ધાંજલિ
નાના પાટેકરને આખરી વિદાય આપવા માટે રાજકીય અને ફિલ્મ જગતની મોટી હસ્તીઓ ઉમટી પડી હતી. મહારાષ્ટ્રના મુખ્યમંત્રી દેવેન્દ્ર ફડણવીસ અને ઉપમુખ્યમંત્રી એકનાથ શિંદે સહિતના નેતાઓએ ફાર્મહાઉસ પહોંચીને શ્રદ્ધાસુમન અર્પણ કર્યા હતા અને પરિવારજનોને સાંત્વના પાઠવી હતી.
આ ઉપરાંત બોલિવૂડમાંથી તેમના નજીકના મિત્ર અને અભિનેતા જેકી શ્રોફ, નિર્દેશક અનિલ શર્મા, અનીસ બઝમી તેમજ નિર્માતા ફિરોઝ નાડિયાડવાલા સહિતના કલાકારો અંતિમ યાત્રામાં જોડાયા હતા અને પોતાના પ્રિય કલાકારને અશ્રુભીની આંખે વિદાય આપી હતી. નાના પાટેકરના જવાથી ભારતીય સિનેમાએ એક અદ્ભુત અને ક્યારેય ન પુરાય તેવી ખોટ અનુભવી છે.