Kinjal Rabari Mukesh Desai Photos: ગુજરાતની લોકપ્રિય ગાયિકા કિંજલ રબારી પોતાના અંગત જીવનને લઈને સતત મીડિયા અને સોશિયલ મીડિયા પર છવાયેલી રહે છે. સોશિયલ પ્રોફાઈલમાં ફેરફાર અને પિયર પક્ષને અનફોલો કરવાના ચર્ચાસ્પદ નિર્ણયો બાદ હવે કિંજલ રબારીના તેમના પતિ મુકેશ દેસાઈ સાથેના લગ્ન પછીના ખુશહાલ અને રોમેન્ટિક ફોટોઝ સોશિયલ મીડિયા પર ખૂબ વાયરલ થઈ રહ્યા છે. વાયરલ થયેલી તસવીરોમાં બંનેની કેમિસ્ટ્રી અને પ્રેમ જોઈને ચાહકોમાં વિવિધ ચર્ચાઓ જગાવી છે.
વાયરલ તસવીરોમાં જોવા મળ્યો રોમેન્ટિક અંદાજ
સામે આવેલા ફોટોઝમાં કિંજલ રબારી ટ્રેડિશનલ સાડી અને સોનાના દાગીનાથી સજ્જ જોવા મળે છે, જ્યારે મુકેશ દેસાઈ પણ તેમની સાથે ખૂબ જ ખુશ નજરે પડી રહ્યા છે. એક તસવીરમાં મુકેશ કિંજલના માથા પર પ્રેમથી કિસ કરતા જોવા મળે છે, તો અન્ય તસવીરોમાં બંને એકબીજાનો હાથ પકડીને કેમેરા સામે પોઝ આપી રહ્યા છે. આ તસવીરો વાયરલ થતાં જ નેટીઝન્સ અલગ-અલગ પ્રતિક્રિયાઓ આપી રહ્યા છે અને આ જોડીના સુખી દંપતી જીવનના ફોટા ઈન્ટરનેટ પર ભારે ટ્રેન્ડ કરી રહ્યા છે.
કિંજલ રબારી અને મુકેશ દેસાઈ વચ્ચેનો વિવાદ
ઉલ્લેખનીય છે કે, અગાઉ કિંજલ રબારી અને મુકેશ દેસાઈ વચ્ચેનો સંબંધ ભારે વિવાદમાં આવ્યો હતો. કિંજલના સીસીટીવી ફૂટેજ વાયરલ થયા બાદ મૈત્રી કરારના આધારે મુકેશ દેસાઈ દ્વારા ચાંદખેડા પોલીસ સ્ટેશનમાં અપહરણ અંગેની ફરિયાદ નોંધાવવામાં આવી હતી. જોકે, આ સમગ્ર વિવાદ બાદ કિંજલ રબારીએ ગુજરાત હાઈકોર્ટમાં વીડિયો કોન્ફરન્સિંગ મારફતે રજૂઆત કરતા સ્પષ્ટ કર્યું હતું કે તેઓ પુખ્ત વયના છે અને સ્વેચ્છાએ પોતાના પક્ષે નિર્ણય લીધો છે. ત્યારબાદ હાઈકોર્ટે બંનેને સુરક્ષા પૂરી પાડવાનો નિર્દેશ આપ્યો હતો.
હવે તમામ વિવાદો વચ્ચે મુકેશ દેસાઈ સાથેની આ રોમેન્ટિક અને ખુશહાલ તસવીરો સામે આવતા એ સ્પષ્ટ થઈ રહ્યું છે કે કિંજલ રબારી પોતાના અંગત જીવનમાં વિવાદોને પાછળ છોડીને આગળ વધી રહ્યા છે.
