Dharmendra Prayer Meet: ગુરુવારે રાજધાની દિલ્હીમાં સ્વર્ગસ્થ અભિનેતા ધર્મેન્દ્ર માટે તેમની બીજી પત્ની હેમા માલિની દ્વારા પ્રાર્થના સભાનું આયોજન કરવામાં આવ્યું હતું, જેમાં દેશના ગૃહમંત્રી અમિત શાહ સહિત રાજકારણ અને સિનેમા જગતની ઘણી જાણીતી હસ્તીઓ હાજર રહી હતી. હેમાએ તેમની પુત્રી અને અભિનેત્રી એશા દેઓલ સાથે આ પ્રાર્થના સભાનું આયોજન કર્યું હતું.
પતિ ધર્મેન્દ્રને શ્રદ્ધાંજલિ આપતી વખતે હેમા માલિનીએ ભાવનાત્મક સ્પીચ પણ આપી હતી. આ દરમિયાન હેમા માલિનીએ ધર્મેન્દ્રજીની છેલ્લી ઇચ્છા વિશે એક મોટો ખુલાસો પણ કર્યો કે તેઓ એક છેલ્લું કાર્ય પૂર્ણ કરવા માંગતા હતા, જે તેમના મૃત્યુને કારણે અધૂરું રહી ગયું છે.
ધર્મેન્દ્રની છેલ્લી ઇચ્છા અધૂરી રહી
24 નવેમ્બરના રોજ ધર્મેન્દ્રનું અવસાન થયું. ઉંમર સંબંધિત સમસ્યાઓને કારણે અભિનેતા 89 વર્ષની વયે આ દુનિયા છોડી ગયા હતા. તેમના નિધનથી હિન્દી સિનેમામાં એક યુગનો અંત આવ્યો. છ દાયકાથી વધુ સમય સુધી સિનેમામાં સર્વોચ્ચ સ્થાન મેળવનારા ધર્મેન્દ્રની યાદમાં તેમની પત્ની હેમા માલિની અને પુત્રી એશા દેઓલે 11 ડિસેમ્બરના રોજ દિલ્હીમાં પ્રાર્થના સભાનું આયોજન કર્યું હતું. ઘણી હસ્તીઓએ પીઢ અભિનેતાને શ્રદ્ધાંજલિ આપી હતી.
પોતાની સ્પીચ દરમિયાન હેમા માલિનીએ ધર્મેન્દ્રની છેલ્લી ઇચ્છા વિશે ખુલ્લીને વાત કરી. બોલિવૂડની ડ્રીમ ગર્લે પોતાની સ્પીચમાં કહ્યું:
જીવનના છેલ્લા સમયમાં તેમણે (ધર્મેન્દ્ર) ઉર્દૂ કવિતા લખવાનું શરૂ કરી દીધું હતું. બધા જાણે છે કે તેઓ શરૂઆતથી જ શાયરીઓ અને કવિતાઓ પ્રત્યે ઉત્સાહી હતા. ઉર્દૂ કવિતા લખવી તેમના માટે એક નવો જુસ્સો બની ગયો હતો. અમે બધા આ વાતથી વાકેફ હતા અને મેં તેમને ખાસ સલાહ આપી હતી કે તેઓ તેના પર એક પુસ્તક લખે અને પ્રકાશિત કરે, જેના માટે તેઓ ઉત્સાહિત હતા. પરંતુ કમનસીબે, આ કાર્ય પૂર્ણ કરે તે પહેલાં જ તેમની યાત્રા સમાપ્ત થઈ ગઈ. વધુમાં, હેમા માલિનીએ ધર્મેન્દ્ર સાથેના તેમના જીવનને સૌથી ખાસ યાદ ગણાવી.
તૂટી ગયું હેમાનું દિલ
ધર્મેન્દ્રના મૃત્યુ પછી હેમા માલિનીએ સોશિયલ મીડિયા પર શ્રેણીબદ્ધ પોસ્ટ્સ શેર કરી, જેમાં તેઓ ભાવુક દેખાતા હતા અને પોતાનું દુઃખ વ્યક્ત કરતા હતા. તેમણે તેના જીવનસાથીની ખોટ સાલશે.