Coolie Review: સ્વતંત્રતા દિવસ પર બોક્સ ઓફિસ પર એક મોટી ટક્કર જોવા મળશે. એક તરફ હૃતિક રોશન અને જુનિયર એનટીઆરની ફિલ્મ 'વોર 2' (War 2) થિયેટરમાં આવશે, તો બીજી તરફ તેમને જોરદાર ટક્કર આપવા માટે રજનીકાંતની (Rajinikanth) ની ફિલ્મ 'કુલી' પણ 14 ઓગસ્ટના રોજ આવી રહી છે.
જ્યારે 'વોર 2'નું ટ્રેલર આવ્યું, ત્યારે ચાહકો ઉત્સાહિત હતા, પરંતુ જ્યારે રજનીકાંતની 'કુલી'નું ટ્રેલર આવ્યો, ત્યારે દર્શકોનો ઉત્સાહ અલગ જ લેવલે પહોંચી ગયો હતો. ફિલ્મ આવે તે પહેલા જ લોકોએ તેને બ્લોકબસ્ટર જાહેર કરી દીધી હતી. હવે લાગે છે કે ચાહકોની આ ભવિષ્યવાણી સાચી પડવાની છે, કારણ કે ફિલ્મને સારો પ્રતિસાદ મળી રહ્યો છે.
રજનીકાંતની ફિલ્મ 'કુલી'નો પ્રથમ રિવ્યુ
ફિલ્મ 'કુલી'ને આવવામાં હજી 5 દિવસ બાકી છે, પરંતુ તે પહેલા જ લોકેશ કનગરાજે (Lokesh Kanagaraj) કેટલાક ખાસ લોકોને આ ફિલ્મ બતાવી દીધી છે. જેમણે ફિલ્મનું પહેલું રિવ્યુ કરતાં જણાવ્યું છે કે ફિલ્મમાં દમ છે કે નહીં. ન્યૂઝ 18ના એક સમાચાર અનુસાર ગત 8 ઓગસ્ટના રોજ કેટલાક પસંદગીના દર્શકો માટે ફિલ્મનું સ્ક્રીનિંગ રાખવામાં આવ્યું હતું, જેમણે મૂવી જોયા પછી તેનું વિગતવાર રિવ્યુ કર્યું છે.
એક યુઝરે 'કુલી'ના વખાણ કરતાં લખ્યું કે કુલી-માસ ફિલ્મ છે. રજનીકાંતની 'કાબાલી' પછી આ તેમનું શ્રેષ્ઠ પ્રદર્શન છે. શ્રુતિ હાસન ફિલ્મની મુખ્ય હાઇલાઇટ છે. નાગાર્જુન ફિલ્મની બેકબોન છે અને આમિર ખાને તો થિયેટરને જ સ્ટેડિયમ બનાવી દીધું છે. ફિલ્મમાં તમારા બધા માટે એક સરપ્રાઇઝ છે.
એક કુલદીપ નામના વ્યક્તિએ તો રજનીકાંત અને આમિર ખાન અભિનીત ફિલ્મને 5 માંથી 5 સ્ટાર આપતા લખ્યું કે કુલીની પ્રાઇવેટ સ્ક્રીનિંગ દરમિયાન ફિલ્મ જોઈ. શાનદાર ફિલ્મ છે. આમિર ખાનને આવા અવતારમાં તમે પહેલા ક્યારેય નહીં જોયો હોય. રજનીકાંત હંમેશાની જેમ સોલિડ લાગ્યા છે. નાગાર્જુન, પૂજા હેગડે અને ઉપેન્દ્ર બધાએ પોતાની પરફોર્મન્સથી દિલ જીતી લીધા છે. અનિરુદ્ધનું બેકગ્રાઉન્ડ મ્યુઝિક ફિલ્મનો માસ્ટર સ્ટ્રોક છે. આ એક માસ બ્લોકબસ્ટર ફિલ્મ છે.
બોક્સ ઓફિસ પર કોનું ચાલશે રાજ
રજનીકાંતની 'કુલી' ફિલ્મની એડવાન્સ બુકિંગ પણ જબરદસ્ત ચાલી રહી છે. 'કુલી'ને સેન્સર બોર્ડ તરફથી 'A' સર્ટિફિકેટ મળ્યું છે, જે 36 વર્ષ પછી રજનીકાંતની ફિલ્મોમાં એક મોટો બદલાવ છે. 'કુલી'નું ટ્રેલર 'વોર 2' માટે ખતરાની ઘંટડી સમાન છે. હવે જોવાનું એ રહે છે કે 14 તારીખે આ મૂવી બોક્સ ઓફિસ પર 'વોર 2'ને ધૂળ ચટાડે છે કે પોતે જ ફુસ્સ થઈ જાય છે.