Bigg Boss 20 Nomination: સલમાન ખાનનો રિયાલિટી શો ‘બિગ બોસ 20’ હાલમાં નૉમિનેશનને લઈને ચર્ચામાં છે. લેટેસ્ટ એપિસોડમાં કન્ટેસ્ટન્ટ્સને બે સભ્યોને નૉમિનેશનથી બચાવવાની તક આપવામાં આવી હતી. આ પ્રક્રિયા બાદ બે કન્ટેસ્ટન્ટ સીધા નૉમિનેટ થયા, જ્યારે બાદમાં થયેલા ટાસ્કમાં એક નૉમિનેટેડ કન્ટેસ્ટન્ટની લાઇફલાઇન પણ છીનવાઈ ગઈ.
આ અઠવાડિયે કોણ થયું નૉમિનેટ?
‘બિગ બોસ 20’ના લેટેસ્ટ એપિસોડમાં નૉમિનેશનની પ્રક્રિયા સામાન્ય કરતા અલગ જોવા મળી. કન્ટેસ્ટન્ટ્સે એવા બે સભ્યોનાં નામ આપવાના હતા, જેમને તેઓ નૉમિનેશનથી સુરક્ષિત કરવા માંગતા હતા. આ દરમિયાન મોટાભાગના કન્ટેસ્ટન્ટ્સે પોતાના નજીકના સભ્યોને બચાવ્યા. પરિણામે અંતે બે એવા કન્ટેસ્ટન્ટ્સ રહી ગયા, જેમનું નામ કોઈએ પણ સુરક્ષા માટે લીધું નહીં.
આ રીતે યંગ ડીએસએ અને ઈશા રિખી આ અઠવાડિયે ઘરમાંથી બહાર થવા માટે નૉમિનેટ થયા છે. હવે વીકએન્ડ કા વાર દરમિયાન બંનેમાંથી કોને ઓછા દર્શકોના વોટ મળે છે તેના આધારે એલિમિનેશન થઈ શકે છે.
અમન ગાંધીએ છીનવી યંગ ડીએસએની લાઇફલાઇન
નૉમિનેશન બાદ ઘરમાં વધુ એક ટાસ્ક યોજાયો હતો. આ ટાસ્કમાં કન્ટેસ્ટન્ટ્સને ‘રૂમ નંબર 20’ તરફ દોડવાનું હતું. જે કન્ટેસ્ટન્ટ સૌથી પહેલા રૂમમાં પહોંચે તેને લગ્ઝરી આઇટમ્સનું હેમ્પર મળવાનું હતું. સાથે જ તેને નૉમિનેટ થયેલા સભ્યોમાંથી કોઈ એકની લાઇફલાઇન છીનવવાની ખાસ પાવર પણ મળવાની હતી.
આ ટાસ્કમાં અમાન ગાંધી વિજેતા બન્યા. ત્યારબાદ તેમણે મળેલી પાવરનો ઉપયોગ કરીને યંગ ડીએસએની એક લાઇફલાઇન છીનવી લીધી. હવે યંગ ડીએસએ પાસે માત્ર એક લાઇફલાઇન બચી છે. બીજી તરફ ઈશા રિખી પાસે હજુ બે લાઇફલાઇન હોવાનું જણાવાયું છે.
હવે આગામી વીકએન્ડ કા વાર મહત્વનો રહેશે. જો યંગ ડીએસએને ઓછા વોટ્સ મળે છે, તો તેમની મુશ્કેલી વધી શકે છે. બીજી તરફ ઈશા રિખી પોતાની બાકીની લાઇફલાઇનનો ઉપયોગ કરીને પોતાને એલિમિનેશનથી બચાવી શકે છે કે નહીં, તે પણ જોવાનું રહેશે. આ નૉમિનેશન બાદ બંને કન્ટેસ્ટન્ટ્સના ફેન્સનું ધ્યાન હવે વીકએન્ડ કા વાર પર રહેશે.