Arjun Kapoor Malaika Arora Post: અર્જુન કપૂર અને મલાઈકા અરોરાના બ્રેકઅપને ઘણો સમય વીતી ગયો છે. આ બંનેએ સત્તાવાર રીતે જાહેર કરી દીધું છે કે તેમના સંબંધોનો અંત આવી ગયો છે. જોકે, જરૂર પડે ત્યારે અર્જુન અને મલાઈકા એકબીજાને સંભાળતા અને ખરાબ સમયમાં એકબીજાનો સહારો બનતા જોવા મળે છે. જોકે, હવે એવું લાગી રહ્યું છે કે આ બંને સોશિયલ મીડિયા પર એકબીજાને કોઈ ખાસ સંદેશ આપી રહ્યા છે. આ પૂર્વ કપલની ઇન્સ્ટાગ્રામ સ્ટોરીમાં હવે એક મોટું કનેક્શન જોવા મળ્યું છે.
મલાઈકા અરોરાની પોસ્ટનો અર્જુન કપૂર સાથે કનેક્શન?
મલાઈકા અરોરાએ પણ થોડા સમય પહેલા સોશિયલ મીડિયા પર એક પોસ્ટ શેર કરી છે. અભિનેત્રીએ લખ્યું હતું કે જે કંઈ વસ્તુ તમને ખુશ કરે તે કરો, આ દિવસો પાછા નહીં આવે. હવે મલાઈકા અરોરાની આ પોસ્ટ જોઈને એવું લાગી રહ્યું છે, જાણે તે અર્જુનને ઈશારો કરી રહી હોય કે આ દિવસો પાછા નહીં આવે. જો કે આ પોસ્ટના થોડા દિવસ પછી અર્જુન કપૂરની પોસ્ટ સોશિયલ મીડિયા પર વાયરલ થઈ રહી છે.
મલાઈકા અરોરાના પૂર્વ બોયફ્રેન્ડે હવે પોતાની ઇન્સ્ટાગ્રામ સ્ટોરી પર લખ્યું કે કોઈક દિવસે આ સમજાઈ જશે. હવે તે અહીં કઈ વાત કરી રહ્યા છે? તે તો અર્જુન જ જાણે છે, પરંતુ મલાઈકાની પોસ્ટ જોઈને એવું લાગશે કે બંને એકબીજાને કંઈક કહેવાનો પ્રયાસ કરી રહ્યા છે.
અર્જુન કપૂરની રહસ્યમય પોસ્ટ્સ
આજ સુધી એ વાતનો ખુલાસો થયો નથી કે અર્જુન કપૂર અને મલાઈકા અરોરાનું બ્રેકઅપ કેમ થયું હતું? આ બંનેએ પોતાની લવ લાઈફ વિશે કોઈને કંઈ જણાવ્યું નથી. જોકે, હવે અર્જુન કપૂર ઘણા સમયથી ઉદાસ લાગી રહ્યો છે. તે સતત સોશિયલ મીડિયા પર રહસ્યમય પોસ્ટ્સ શેર કરીને પોતાના દિલની વાત ઈશારાઓમાં લોકોને જણાવવાનો પ્રયાસ કરી રહ્યો છે.