Housefull 5: બોલિવૂડ સુપરસ્ટાર અક્ષય કુમારની મચઅવેટેડ ફિલ્મ 'હાઉસફુલ 5' 6 જૂનના રોજ સિનેમાઘરોમાં રિલીઝ થઈ ગઈ છે. આ ફિલ્મ બોક્સ ઓફિસ પર ધમાકેદાર ઓપનિંગ સાથે આ વર્ષની ત્રીજી સૌથી મોટી ઓપનિંગ કરનારી ફિલ્મ બની ગઈ છે. ફિલ્મને મળી રહેલા જબરજસ્ત પ્રતિસાદ વચ્ચે, અક્ષય કુમારે એક અનોખી રીત અપનાવીને દર્શકોનો પ્રતિભાવ જાણવાનો પ્રયાસ કર્યો હતો.
અક્ષય કુમારે પોતાના ઇન્સ્ટાગ્રામ એકાઉન્ટ પર એક મજેદાર વીડિયો શેર કર્યો છે, જેમાં તે કિલર માસ્ક પહેરીને બાંદ્રાના એક થિયેટરની બહાર 'હાઉસફુલ 5' ના શો પૂરો કરીને બહાર આવતા લોકોના ઇન્ટરવ્યુ લેતો જોવા મળે છે. વીડિયોમાં માસ્ક પહેરેલો અક્ષય દર્શકોને ફિલ્મના અનુભવ વિશે પૂછતો જોવા મળે છે, અને આશ્ચર્યની વાત એ છે કે મોટાભાગના ચાહકો તેને ઓળખી શક્યા નહોતા!
વીડિયો શેર કરતાં અક્ષય કુમારે કેપ્શનમાં લખ્યું છે કે, 'બસ, મેં આજે કિલર માસ્ક પહેરીને અને બાંદ્રામાં હાઉસફુલ 5 શોમાંથી બહાર આવતા લોકોનો ઇન્ટરવ્યુ લેવાનું નક્કી કર્યું. પકડા જાને વાલા થા એન્ડ મેં બટ ભાગ ઉસ સેં પહેલે. મસ્ત અનુભવ.'