Ajay Devgn Upcoming Movies: બોલિવૂડના સૌથી બહુમુખી પ્રતિભા ધરાવતા અભિનેતા અજય દેવગન 'દ્રશ્યમ 3' ની જબરદસ્ત સફળતા બાદ ફરી એકવાર પોતાના આગામી પ્રોજેક્ટ્સને લઈને ચર્ચામાં છે. તાજેતરના અહેવાલો મુજબ, અજય દેવગન હવે એક મોટા બજેટની સ્પાય થ્રિલર ફિલ્મ દ્વારા મોટા પડદા પર ધૂમ મચાવવા માટે તૈયાર છે. આ બિગ-બજેટ પ્રોજેક્ટ માટે અજય દેવગને હિન્દી સિનેમાના જાણીતા નિર્માતા અને ટી-સીરીઝના વડા ભૂષણ કુમાર સાથે ફરી એકવાર હાથ મિલાવ્યા છે.
ગુપ્ત મિશન પાર પાડતા 'સ્પાય એજન્ટ'ના રોલમાં દેખાશે અજય
આ પણ વાંચો
બોલિવૂડમાં સ્પાય-થ્રિલર ફિલ્મોની સતત વધતી લોકપ્રિયતા વચ્ચે હવે અજય દેવગન પણ આ જોનરમાં એન્ટ્રી કરવા જઈ રહ્યા છે. 'બોલિવૂડ હંગામા'ના અહેવાલ અનુસાર, આ ફિલ્મમાં અજય દેવગન એક સ્પાય એજન્ટની ભૂમિકામાં જોવા મળશે, જે એક અત્યંત જોખમી ગુપ્ત મિશનને અંજામ આપશે. ભૂષણ કુમારના પ્રોડક્શન હેઠળ બનનારી આ મોટા બજેટની ફિલ્મ માટે અજય દેવગને પોતાની સંમતિ આપી દીધી છે. જોકે, ફિલ્મની વાર્તા કે પ્લોટ અંગેની વિગતો હજુ સુધી ગુપ્ત રાખવામાં આવી છે અને ચાહકો આ નવા પ્રોજેક્ટની સત્તાવાર જાહેરાત તથા શીર્ષકની આતુરતાથી રાહ જોઈ રહ્યા છે.
ભૂષણ કુમાર સાથે સુપરહિટ ટ્રેક રેકોર્ડ અને 'ગોલમાલ 5'ની તૈયારી
અજય દેવગન અને ભૂષણ કુમારની જોડી અગાઉ પણ બોક્સ ઓફિસ પર અનેક યાદગાર અને સફળ ફિલ્મો આપી ચૂકી છે, જેમાં 'તાન્હાજી', 'દ્રશ્યમ 2', 'રેઇડ 2', 'દે દે પ્યાર દે 2' અને 'ધમાલ 4' જેવી ફિલ્મોનો સમાવેશ થાય છે.
આ ઉપરાંત, અજય દેવગન આગામી વર્ષની શરૂઆતમાં કોમેડીનો તડકો લગાવવા માટે પણ તૈયાર છે. 'દ્રશ્યમ 3' બાદ તેઓ દિગ્દર્શક રોહિત શેટ્ટીની સુપરહિટ કોમેડી ફ્રેન્ચાઇઝીના પાંચમા ભાગ 'ગોલમાલ 5' (Golmaal 5) માં જોવા મળશે. ઉલ્લેખનીય છે કે આ મલ્ટીસ્ટારર કોમેડી ફિલ્મ 8 જાન્યુઆરી, 2027 ના રોજ વિશ્વભરના સિનેમાઘરોમાં રિલીઝ થવાની છે.
