SBI Recruitment 2026: બેંકિંગ ક્ષેત્રે કરિયર બનાવવા ઈચ્છતા અનુભવી ઉમેદવારો માટે એક મહત્વના સમાચાર આવ્યા છે. સ્ટેટ બેંક ઓફ ઈન્ડિયા (SBI) દ્વારા સ્પેશિયાલિસ્ટ કેડર ઓફિસર (SCO)ના વિવિધ પદો માટે ભરતીની જાહેરાત કરવામાં આવી છે. આ ભરતી કરાર (કોન્ટ્રાક્ટ) આધારિત રહેશે, જેના હેઠળ કુલ 207 જગ્યાઓ ભરવામાં આવશે. રસ ધરાવતા અને યોગ્ય ઉમેદવારો SBIની સત્તાવાર વેબસાઇટ પર જઈને ઓનલાઈન અરજી કરી શકે છે. અરજી કરવાની અંતિમ તારીખ 25 સપ્ટેમ્બર 2026 નક્કી કરવામાં આવી છે.
કયા-કયા પદો પર થશે ભરતી?
SBI સ્પેશિયાલિસ્ટ ઓફિસર રિક્રુટમેન્ટ 2026 હેઠળ અલગ-અલગ કેડરના હોદ્દાઓ પર પસંદગી કરવામાં આવશે.
ઝોનલ હેડ રિટેલ: ઓછામાં ઓછા 60% માર્ક્સ સાથે MBA, સંબંધિત સર્ટિફિકેશન (CFP/CFA) અને 15 વર્ષનો અનુભવ જરૂરી છે. વય મર્યાદા 35 થી 50 વર્ષ છે.
રીજનલ હેડ: બેંકિંગ, ફાઇનાન્સ અથવા માર્કેટિંગમાં 60% માર્ક્સ સાથે MBA અને 12 વર્ષનો અનુભવ. વય મર્યાદા 35 થી 50 વર્ષ.
રિલેશનશિપ મેનેજર (ટીમ લીડ): કોઈપણ ફેકલ્ટીમાં ગ્રેજ્યુએશન અને ઓછામાં ઓછો 8 વર્ષનો અનુભવ.
ઈન્વેસ્ટમેન્ટ ઓફિસર (SI) અને ઈન્વેસ્ટમેન્ટ ઓફિસર: ફાઇનાન્સમાં માસ્ટર્સ, CA અથવા CFA લાયકાત ધરાવતા અને 4 થી 6 વર્ષનો અનુભવ ધરાવતા ઉમેદવારો અરજી કરી શકશે.
VP અને AVP (વેલ્થ): બેચલર ડિગ્રી સાથે અનુક્રમે 6 વર્ષ અને 3 વર્ષનો અનુભવ જરૂરી છે.
સામાન્ય રીતે, ઉમેદવારો પાસે હોદ્દા મુજબ 3 થી 15 વર્ષનો અનુભવ હોવો જરૂરી છે, જ્યારે વય મર્યાદા ન્યૂનતમ 23 વર્ષથી મહત્તમ 50 વર્ષ વચ્ચે હોવી જોઈએ.
5 વર્ષના કરાર પર થશે નિમણૂક
પસંદગી પામેલા ઉમેદવારોની નિમણૂક શરૂઆતમાં 5 વર્ષના કરાર (કોન્ટ્રાક્ટ) પર કરવામાં આવશે, જેને બેંકની જરૂરિયાત મુજબ આગળ વધારી શકાશે. પગાર (CTC)નો નિર્ણય ઉમેદવારના અનુભવ, વર્તમાન સેલેરી અને પોસ્ટિંગના સ્થળના આધારે ઇન્ટરવ્યુ દરમિયાન નક્કી કરવામાં આવશે.
પસંદગી પ્રક્રિયા અને અરજી કરવાની રીત
ઉમેદવારોની પસંદગી શોર્ટલિસ્ટિંગ અને ઇન્ટરવ્યુના આધારે કરવામાં આવશે. ઇન્ટરવ્યુ 100 ગુણનો રહેશે, જે ઓનલાઇન અથવા રૂબરૂ યોજાઈ શકે છે.
અરજી કરવા માટે ઉમેદવારોએ SBIની સત્તાવાર વેબસાઇટ sbi.bank.inના કરિયર્સ વિભાગમાં જઈને રજીસ્ટ્રેશન કરવાનું રહેશે. ત્યારબાદ જરૂરી શૈક્ષણિક વિગતો, પાસપોર્ટ સાઇઝ ફોટોગ્રાફ, સહી અને દસ્તાવેજો અપલોડ કરીને નિયત ફી ભરીને ફોર્મ સબમિટ કરવાનું રહેશે.