V-Trans: લગભગ સાત દાયકાના અનુભવ સાથે સંકલિત લોજિસ્ટિક્સ સેવાઓ આપતું વી-ટ્રાન્સ ગ્રુપ ગુજરાતમાં પોતાની હાજરી વધુ મજબૂત બનાવી રહ્યું છે. રાજ્યમાં નેટવર્ક વિસ્તરણ, માળખાકીય સુવિધાઓ અને ટેક્નોલોજી માં રોકાણ દ્વારા ગ્રુપ તેની સેવાઓને વધુ વ્યાપક બનાવવાની યોજના ધરાવે છે. ગુજરાતના કુલ 1,018 પિન કોડમાંથી 981 પિન કોડ સુધી ગ્રુપની સેવાઓ પહોંચે છે, જે 96.4% કવરેજ દર્શાવે છે. આ વિસ્તરણ યોજનાનો હેતુ આગામી વર્ષમાં 20–25% વૃદ્ધિ હાંસલ કરવાનો છે.
વી-ટ્રાન્સ ગ્રુપ (ઇન્ડિયા) લિમિટેડના ચેરમેન અને મેનેજિંગ ડિરેક્ટર મહેન્દ્ર શાહે જણાવ્યું કે ગુજરાતનો મજબૂત ઔદ્યોગિક આધાર, ઉદ્યોગસાહસિકતાનું વાતાવરણ અને વિકસતી લોજિસ્ટિક્સ જરૂરિયાતો તેને વી-ટ્રાન્સ માટે એક મહત્વપૂર્ણ બજાર બનાવે છે. 96.4% પિન કોડ કવરેજ સાથે અમે રાજ્યમાં મજબૂત પાયો સ્થાપિત કર્યો છે. આગામી તબક્કામાં અમારી પ્રાથમિકતા વધુ વ્યાપક પહોંચ ઊભી કરવા, માળખાકીય સુવિધાઓ મજબૂત બનાવવા અને ગ્રાહકોને વધુ મૂલ્ય પ્રદાન કરવાની રહેશે.
પાર્ટ ટ્રક લોડ (PTL) ક્ષેત્રમાં અગ્રણી વી-ટ્રાન્સ ગ્રુપ દેશભરમાં 16,000થી વધુ પિન કોડ, 1,500 શાખાઓ અને 60થી વધુ હબનું વ્યાપક નેટવર્ક ધરાવે છે. આ નેટવર્ક દેશનાં મુખ્ય વેપારી અને ઔદ્યોગિક કેન્દ્રોને સેવા આપે છે. રાષ્ટ્રીય વિતરણ નેટવર્કના ભાગરૂપે, ગ્રુપ ભારતના 87–88% પિન કોડ સુધી સેવાઓનું કવરેજ ધરાવે છે. આગામી તબક્કામાં 2,000થી 3,000 વધુ પિન કોડને નિયમિત સેવા કવરેજમાં સામેલ કરવાની યોજના છે. ગ્રુપની યોજના મુજબ 80થી 90 નવા વાહનો, આશરે 200 બિઝનેસ પાર્ટનર કેન્દ્રો અને 12 નવા હબ ઉમેરવામાં આવશે. આથી દેશભરમાં વધુ વ્યાપક સેવા નેટવર્ક ઊભું થશે.
ગુજરાતમાં વી-ટ્રાન્સ હાલ રાજ્યના કુલ 1,018 પિન કોડમાંથી 981 પિન કોડ સુધી સેવાઓ આપે છે, જે 96.4% કવરેજ દર્શાવે છે. આ વ્યાપક પહોંચને વધુ મજબૂત બનાવવા માટે ગ્રુપ વ્યૂહાત્મક સ્થળોએ પાંચ નવી શાખાઓ શરૂ કરવાની યોજના ધરાવે છે. સૂચિત સ્થળોમાં પીરાણા, ઓઢ GIDC, વિરમગામ, રાજકોટ અને સુરેન્દ્રનગર નજીકનું રાણપુર સામેલ છે. નવી શાખાઓ ઔદ્યોગિક વિસ્તારો સુધી પહોંચ વધારશે, પ્રાદેશિક વિતરણ સુધારશે અને ફર્સ્ટ-માઇલ તથા લાસ્ટ-માઇલ કનેક્ટિવિટી મજબૂત કરશે.
આ વિસ્તરણમાં ગ્રુપના એસેટ-લાઇટ ઓપરેટિંગ મોડલને પ્રાધાન્ય આપવામાં આવશે, જેથી બદલાતી બજારની જરૂરિયાતો અનુસાર ક્ષમતા અને સેવાઓનો વિસ્તાર કરી શકાય. વી-ટ્રાન્સ , વી-એક્સપ્રેસ અને વી-લોજિસની સંકલિત કામગીરીથી 700થી વધુ પ્રત્યક્ષ અને પરોક્ષ રોજગારીની તકો ઊભી થવાની અપેક્ષા છે.