Stock Market 20 October Live Updates, આજનું શેર બજાર: દિવાળીનો ઉત્સવ આજે ભારતીય શેરબજાર પણ મનાવી રહ્યું છે. આજે શેરબજારમાં શાનદાર તેજી જોવા મળી રહી છે. સેન્સેક્સ 450 પોઈન્ટ વધીને 84,413.84 પર અને નિફ્ટી 133 પોઈન્ટ વધીને 25,841.45 પર કારોબાર કરી રહ્યો છે. બેન્ક નિફ્ટીમાં પણ આશરે 400 પોઈન્ટનો ઉછાળો નોંધાયો છે. BSEના ટોપ 30 શેરોમાંથી માત્ર 5 શેરોમાં જ ઘટાડો જોવા મળ્યો છે, જ્યારે બાકીના તમામ શેરો તેજી બતાવી રહ્યા છે.
મુખ્ય શેરોમાં ઉછાળો
આજના કારોબારમાં રિલાયન્સ ઇન્ડસ્ટ્રીઝના શેરમાં સૌથી વધુ ઉછાળો આવ્યો છે. RILનો શેર 2. 83 ટકા વધીને 1457 પર કારોબાર કરી રહ્યો છે. મોટા શેરોમાં તેજીની વાત કરીએ તો કોટક મહિન્દ્રા, એક્સિસ બેન્ક, ભારતી એરટેલ, ઇન્ફોસિસ અને બજાજ ફિનસર્વના શેરોમાં આશરે 2 ટકાની તેજી જોવા મળી છે. HDFC બેન્કના શેરમાં પણ 1.50 ટકાનો ઉછાળો આવ્યો છે.
સેક્ટર્સની દૃષ્ટિએ જોઈએ તો આજે મેટલ સેક્ટર સિવાય મોટા ભાગના સેક્ટર્સમાં તેજી જોવા મળી છે. FMCG, ઓટો, આઇટી, મીડિયા, PSU બેન્ક, પ્રાઇવેટ બેન્ક, ફાઇનાન્સિયલ, ફાર્મા અને હેલ્થકેર જેવા સેક્ટર્સમાં આશરે 1 ટકા સુધીની તેજી આવી છે.
બજારની તેજીમાં 108 શેરોમાં અપર સર્કિટ લાગી છે. ડીસીબી બેન્કના શેરમાં આજે 11 ટકાની જોરદાર તેજી આવી છે. સાઉથ ઇન્ડિયા બેન્કના શેરમાં 10 ટકાની તેજી જોવા મળી છે. AU સ્મોલ ફાઇનાન્સ બેન્કના શેરમાં 7 ટકાનો ઉછાળો આવ્યો છે. ICICI બેન્કના શેરમાં આશરે 2 ટકાનો ઘટાડો નોંધાયો છે.
(નોંધ- કોઈપણ શેરમાં રોકાણ કરતા પહેલા તમારા નાણાકીય સલાહકારની મદદ જરૂર લો.)