દર મહિને ₹4,000 બચાવીને ₹2 કરોડનું ફંડ બનાવવું છે? જાણો ઉંમર પ્રમાણે રોકાણનું ગણિત

SIP Calculator: મોટાભાગના લોકો એવું માને છે કે કરોડપતિ બનવા માટે મોટી રકમનું રોકાણ કરવું જરૂરી છે, પરંતુ નાણાકીય નિષ્ણાતોના મતે રોકાણમાં રકમ કરતાં સમય વધુ મહત્વનો છે. જો તમે નાની વયથી જ શિસ્તબદ્ધ રીતે દર મહિને નાની રકમ પણ જમા કરવાનું શરૂ કરો, તો કમ્પાઉન્ડિંગ (ચક્રવૃદ્ધિ) નો જાદુ તમને નિવૃત્તિ સમયે કરોડપતિ બનાવી શકે છે.

ચાલો સમજીએ કે જો તમારો લક્ષ્યાંક ₹2 કરોડનું રિટાયરમેન્ટ ફંડ બનાવવાનો હોય અને મ્યુચ્યુઅલ ફંડમાં સરેરાશ 12% વાર્ષિક રિટર્ન ધારણ કરીએ, તો તમારે કઈ ઉંમરે કેટલું રોકાણ શરૂ કરવું પડે:

25 વર્ષની ઉંમર (સૌથી શ્રેષ્ઠ સમય): જો તમે 25 વર્ષે જ માત્ર ₹4,000ની માસિક SIP શરૂ કરી દો છો, તો 60 વર્ષની વય સુધીમાં (35 વર્ષના ગાળામાં) તમારું કુલ રોકાણ ₹16.80 લાખ થશે, પણ 12% રિટર્ન મુજબ તમારી કુલ સંપત્તિ ₹2.20 કરોડથી પણ વધુ થઈ જશે.

30 વર્ષની ઉંમર: જો તમે 5 વર્ષ મોડા એટલે કે 30 ની વયે શરૂઆત કરો છો, તો 60 વર્ષ સુધીમાં ₹2 કરોડ પહોંચવા માટે માસિક SIP વધીને ₹6,500 કરવી પડશે.

35 વર્ષની ઉંમર: 35 વર્ષની વયે પ્લાનિંગ શરૂ કરનાર વ્યક્તિએ આગામી 25 વર્ષ માટે દર મહિને ₹11,500 ની SIP કરવી પડશે.

40 વર્ષની ઉંમર: જો રોકાણ 40ની વયે શરૂ થાય, તો 20 વર્ષના સમયગાળામાં ₹2 કરોડનું લક્ષ્ય પૂરું કરવા દર મહિને ₹22,000નું મોટું રોકાણ કરવું પડશે.

ટૂંકમાં તમે જેટલા વહેલા રોકાણની શરૂઆત કરશો, એટલો જ ઓછો બોજ તમારા ખિસ્સા પર પડશે અને કમ્પાઉન્ડિંગનો લાભ વધુ મળશે.

Disclaimer: આ લેખ માત્ર માહિતી અને શિક્ષણના હેતુથી છે. મ્યુચ્યુઅલ ફંડ રોકાણો બજારના જોખમોને આધીન છે. રોકાણ કરતા પહેલાં નાણાકીય સલાહકારની મદદ લેવી.