SMILe Vision 2035: ભારતના લોજિસ્ટિક્સ અને સપ્લાય ચેઇન ક્ષેત્રની અગ્રણી કંપની શ્રી મારૂતિ ઇન્ટિગ્રેટેડ લોજિસ્ટિક્સ લિમિટેડ (SMILe) એ પોતાની સ્થાપનાના 41 વર્ષ પૂરા કર્યા છે. કંપનીએ ‘41 સાલ, સફર બેમિસાલ’ ના પ્રેરણાદાયી સૂત્ર સાથે પોતાની 41મી વર્ષગાંઠની ઉજવણી કરી હતી અને ભવિષ્યની વ્યૂહરચના તરીકે ‘વિઝન 2035’ રજૂ કર્યું હતું.
કંપનીના મેનેજિંગ ડિરેક્ટર અજય મોકરિયાએ જણાવ્યું હતું કે ‘વિઝન 2035’ હેઠળ કંપની એઆઈ (AI) અને સ્માર્ટ ઓટોમેશન દ્વારા સપ્લાય ચેઇનને વધુ સરળ બનાવશે. ટેક્નોલોજીના ઉપયોગ સાથે કર્મચારીઓની આજીવિકા અને નોકરીઓનું રક્ષણ કરવા પર પણ ખાસ ભાર મુકવામાં આવશે.
આ પણ વાંચો
વ્યાપક હિતધારકોના સમૂહના યોગદાનને બિરદાવતાં રામભાઈ મોકરિયાએ વધુમાં જણાવ્યું હતું કે અમારું માનવું છે કે એક મજબૂત સંસ્થા તેના કર્મચારીઓના પરિશ્રમ અને પ્રતિબદ્ધતાના જોરે વિકાસ સાધે છે, તેમના યોગદાનની સરાહના કરે છે અને તેમને સફળ થવાની તકો પૂરી પાડે છે.
અમારી સફરના આગામી અધ્યાયમાં પ્રવેશ કરતાં અમે વિશ્વસનીય અને નવીન લોજિસ્ટિક્સ સોલ્યુશન્સ પૂરા પાડવા માટે પ્રતિબદ્ધ છીએ. અમે અમારી ભાગીદારીને વધુ મજબૂત બનાવીશું અને એવી ઇકોસિસ્ટમ ઊભું કરીશું, જે શ્રી મારૂતિ સાથે સંકળાયેલા દરેક માટે લાંબા ગાળાનું મૂલ્ય સર્જે.
આ ઐતિહાસિક તબક્કે કંપનીએ પોતાના યોગદાનકર્તાઓનું સન્માન કરવા કેટલીક મહત્વપૂર્ણ પહેલ કરી છે.
41 સિનિયર લીડર્સ (પિલર્સ ઓફ શ્રી મારૂતિ), 41 ઉત્કૃષ્ટ કર્મચારીઓ અને ચેનલ પાર્ટનર્સ (SMILe કીર્તિ પુરસ્કાર) તથા 41 ડિલિવરી સ્ટાફ (SMILe હીરોઝ)નું સન્માન કરાયું છે. દેશભરમાં 41 નવા ચેનલ પાર્ટનર્સ ઉમેરવામાં આવ્યા અને 41 નવા પિન કોડ વિસ્તારો સુધી સેવાઓનો વિસ્તાર કરવામાં આવ્યો છે.અમદાવાદ સ્થિત આ કંપની ડોમેસ્ટિક, એક્સપ્રેસ, ઇન્ટરનેશનલ લોજિસ્ટિક્સ, વેરહાઉસિંગ અને ઈ-કોમર્સ લોજિસ્ટિક્સ ક્ષેત્રે દેશભરમાં વિશ્વસનીય સેવાઓ પૂરી પાડી રહી છે.