અમદાવાદ, લિંકન ફાર્માસ્યુટિકલ્સ લિમિટેડ ભારતની અગ્રણી હેલ્થકેર કંપનીઓમાંની એક છે. સપ્ટેમ્બર 2026માં પૂરા થયેલા છ મહિના (H1 FY27) દરમિયાન કંપનીએ રૂ. 57.50 કરોડનો કન્સોલિડેટેડ નેટ પ્રોફિટ નોંધાવ્યો, જ્યારે H1 FY26માં આ આંકડો રૂ. 47.71 કરોડ હતો. આ રીતે નેટ પ્રોફિટમાં વાર્ષિક ધોરણે 20.52%નો વધારો થયો. H1 FY27માં ટોટલ ઇન્કમ રૂ. 402.43 કરોડ રહી, જ્યારે H1 FY26માં તે રૂ. 339.93 કરોડ હતી, જે વાર્ષિક ધોરણે 18.39%નો વધારો દર્શાવે છે. સપ્ટેમ્બર 2026માં પૂરા થયેલા H1 FY27 દરમિયાન EBITDA રૂ. 84.92 કરોડ રહ્યો, જ્યારે H1 FY26માં તે રૂ. 71.74 કરોડ હતો. તેમાં વાર્ષિક ધોરણે 18.37%નો વધારો થયો. H1 FY27માં પ્રતિ શેર આવક (EPS) રૂ. 28.29 રહી. 32મી વાર્ષિક સામાન્ય સભા (AGM)માં શેરધારકોએ નાણાકીય વર્ષ 2025-26 માટે પ્રતિ શેર રૂ. 1.80 (18%)ના ડિવિડન્ડને મંજૂરી આપી.
કંપની તેની લોંગ-ટર્મ સ્ટ્રેટેજીનાં ભાગરૂપે આગામી ત્રણ વર્ષમાં રૂ.1,000 કરોડની આવક હાંસલ કરવાનો લક્ષ્યાંક ધરાવે છે, જેની હેઠળ વાર્ષિક 15 થી 18%નો વૃદ્ધિ દર હાંસલ કરવાનો લક્ષ્ય રાખવામાં આવ્યો છે. કંપનીને આશા છે કે કાર્ડિયાક, ડાયાબિટિક, ડર્મેટોલોજી અને ENT સહિતના મુખ્ય થેરાપ્યુટિક ક્ષેત્રોમાં મજબૂત પર્ફોર્મન્સ તેની વૃદ્ધિને ટેકો આપશે.
લિંકન ફાર્માસ્યુટિકલ્સ લિમિટેડનાં ડિરેક્ટર શ્રી મુંજાલ પટેલે જણાવ્યું કે, “અમે વધુ એક મજબૂત ક્વાર્ટરના પરિણામો રજૂ કરી રહ્યા છીએ, જે સસ્ટેનેબલ ગ્રોથ અને લાંબા ગાળે વેલ્યુ ઊભી કરવા પરના અમારા ફોકસને દર્શાવે છે. FY26 દરમિયાન, અમે ચાર નવા ડિવિઝન શરૂ કરીને ડોમેસ્ટિક માર્કેટમાં અમારી હાજરી વધારી હતી. ખાત્રજ પ્લાન્ટના વિસ્તરણ અને નવી API ફેસિલિટી શરૂ કરીને અમારી મેન્યુફેક્ચરિંગ ક્ષમતાઓને પણ મજબૂત બનાવી હતી.
FY27માં, અમે અમારી એનહાન્સ્ડ મેન્યુફેક્ચરિંગ ક્ષમતાઓ અને મજબૂત પ્રોડક્ટ પાઇપલાઇનનો લાભ લઈને ડોમેસ્ટિક અને ઇન્ટરનેશનલ માર્કેટમાં અમારી હાજરી વધારવાની તકોનું મૂલ્યાંકન કરતા રહીશું.
બિઝનેસના વિવિધ વર્ટિકલ્સમાં સતત સારા પ્રદર્શન અને ડેટ-ફ્રી બેલેન્સ શીટ જાળવવા પરના સતત ફોકસ સાથે, અમે અમારી સ્ટ્રેટેજિક પહેલોના શિસ્તબદ્ધ અમલીકરણ દ્વારા સસ્ટેનેબલ અને નફાકારક ગ્રોથને આગળ વધારવા તથા શેરહોલ્ડર્સ માટે લાંબા ગાળે વેલ્યુ ઊભી કરવા પ્રતિબદ્ધ છીએ.”
હાઇલાઇટ્સ- Q2FY27 પરિણામો
Q2 FY 2026-27માં રૂ. 20.84 કરોડનો કન્સોલિડેટેડ નેટ પ્રોફિટ નોંધાવ્યો, જ્યારે Q2 FY 2025-26માં આ આંકડો રૂ. 20.01 કરોડ હતો. આ રીતે નેટ પ્રોફિટમાં વાર્ષિક ધોરણે 4.15%નો વધારો નોંધાયો. સપ્ટેમ્બર 2026માં પૂરા થયેલા ક્વાર્ટરમાં ટોટલ ઇન્કમ રૂ. 200.88 કરોડ રહી, જ્યારે Q2 FY 2025-26માં તે રૂ. 170.60 કરોડ હતી. આ રીતે ટોટલ ઇન્કમમાં વાર્ષિક ધોરણે 17.75%નો વધારો થયો. Q2 FY27માં EBITDA રૂ. 33.22 કરોડ રહ્યો, જ્યારે Q2 FY26માં તે રૂ. 32.66 કરોડ હતો, જે વાર્ષિક ધોરણે 1.71%નો વધારો દર્શાવે છે. Q2 FY27માં પ્રતિ શેર આવક (EPS) રૂ. 10.20 રહી.
કંપની પોતાની પવન ઊર્જા અને સોલાર પાવર પ્રોજેક્ટ્સની મદદથી ઊર્જાની લગભગ 100% જરૂરિયાત રિન્યુએબલ સોર્સિસ દ્વારા પૂરી કરે છે. તેનાથી વીજળીનો ખર્ચ ઘટે છે અને સસ્ટેનેબલ ઓપરેશન્સ પ્રત્યેની કંપનીની પ્રતિબદ્ધતા વધુ મજબૂત બને છે. ફોરેન ઇન્સ્ટિટ્યૂશનલ ઇન્વેસ્ટર્સ (FIIs)એ કંપનીમાં પોતાનો હિસ્સો સતત વધારીને 30 સપ્ટેમ્બર, 2026ના રોજ 4.55% કર્યો છે.
કંપનીની ગ્રોથ સ્ટ્રેટેજીનો મુખ્ય ઉદ્દેશ્ય એક્સપોર્ટ માટે નવા પ્રોડક્ટ્સ રજિસ્ટર કરીને ગ્લોબલ માર્કેટમાં પોતાની હાજરી વધારવાનો, ડોમેસ્ટિક માર્કેટમાં પોતાની હાજરી મજબૂત કરવાનો અને ઇન્ટરનેશનલ સ્ટાન્ડર્ડ્સને અનુરૂપ અત્યાધુનિક મેન્યુફેક્ચરિંગ ફેસિલિટીઝનો ઉપયોગ કરવાનો છે. એક્યુટ સેગમેન્ટમાં મજબૂત પાયો ધરાવતી કંપની હવે લાઇફસ્ટાઇલ અને ક્રોનિક સેગમેન્ટમાં, ખાસ કરીને વુમન્સ હેલ્થકેર અને ડર્મેટોલોજીમાં, મજબૂત પ્રોડક્ટ પોર્ટફોલિયો તૈયાર કરી રહી છે. હેલ્ધી કેશ એક્રુઅલ્સ, ટર્મ ડેટ ન હોવા અને મજબૂત રિટર્ન રેશિયોના આધારે કંપનીની લિક્વિડિટી મજબૂત છે.
કંપની રેગ્યુલેટેડ અને સેમી રેગ્યુલેટેડ બજારોમાં પોતાની હાજરી મજબૂત બનાવવા પર ધ્યાન કેન્દ્રિત કરી રહી છે. હાલમાં કંપની પૂર્વ અને પશ્ચિમ આફ્રિકા, મધ્ય અને ઉત્તર અમેરિકા, લેટિન અમેરિકા તેમજ દક્ષિણ પૂર્વ એશિયાના 60થી વધુ દેશોમાં નિકાસ કરે છે. કંપની આગામી 2થી 3 વર્ષમાં પોતાની વૈશ્વિક હાજરીને 90 દેશો સુધી વિસ્તારિત કરવાનો લક્ષ્યાંક ધરાવે છે. કેનેડિયન માર્કેટમાં તાજેતરમાં પ્રવેશ તેમજ TGA Australia અને EU GMPની મંજૂરીઓ સાથે કંપની ગ્લોબલ એક્સપાન્શન માટે સજ્જ છે.
કંપનીની અમદાવાદનાં ખાત્રજ ખાતે અત્યાધુનિક મેન્યુફેક્ચરિંગ ફેસિલિટી છે, જે કઠોર ઇન્ટરનેશનલ ક્વોલિટી અને કમ્પ્લાયન્સ ધોરણોનું પાલન કરે છે તથા EU GMP, TGA, WHO GMP, ISO 9001:2015, ISO 14001:2015 અને ISO 45001:2018થી પ્રમાણિત છે. કંપનીએ 15 થેરાપ્યુટિક ક્ષેત્રોમાં 600થી વધુ ફોર્મ્યુલેશન્સ વિકસાવ્યા છે અને એન્ટી ઇન્ફેક્ટિવ, રેસ્પિરેટરી સિસ્ટમ, ગાયનેકોલોજી, કાર્ડિયો તથા CNS, એન્ટી બેક્ટેરિયલ, એન્ટી ડાયાબિટિક અને એન્ટી મેલેરિયલ સહિતના અન્ય ક્ષેત્રોમાં મજબૂત પ્રોડક્ટ અને બ્રાન્ડ પોર્ટફોલિયો ધરાવે છે. કંપનીએ 25થી વધુ પેટન્ટ અરજીઓ દાખલ કરી છે અને તેને સાત પેટન્ટ પ્રાપ્ત થયા છે. 1,700થી વધુ રજિસ્ટર્ડ પ્રોડક્ટ્સ અને 700થી વધુ વિકાસાધીન પ્રોડક્ટ્સ ધરાવતા મજબૂત પોર્ટફોલિયો દ્વારા કંપની ઇનોવેશન અને વૃદ્ધિ પ્રત્યે પોતાની પ્રતિબદ્ધતા દર્શાવે છે.
હાઇલાઇટ્સ :
- કંપનીએ ડોમેસ્ટિક માર્કેટમાં ચાર નવા ડિવિઝન શરૂ કર્યા છે અને ખાત્રજ પ્લાન્ટમાં API ફેસિલિટી શરૂ કરી છે.
- 30 સપ્ટેમ્બર 2026નાં રોજ યોજાયેલી 32મી AGMમાં FY26-27 માટે પ્રતિ શેર રૂ.1.80 ડિવિડન્ડ મંજૂર કર્યું.
- આગામી ત્રણ વર્ષમાં રૂ. 1,000 કરોડની રેવન્યુ હાંસલ કરવાનો ટાર્ગેટ; કાર્ડિયાક, ડાયાબિટીસ, ડર્મેટોલોજી અને ENT સેગમેન્ટમાં મજબૂત પરફોર્મન્સના આધારે વાર્ષિક 15-18% ગ્રોથ રેટ હાંસલ કરવાનો લક્ષ્યાંક.
- કંપની નેટ-ડેટ ફ્રી છે; 30 સપ્ટેમ્બર 2026નાં રોજ કંપનીમાં FII હોલ્ડિંગ 4.55% હતું.
- કંપની પોતાના વિન્ડ અને સોલાર પ્રોજેક્ટ્સની મદદથી ઊર્જાની લગભગ 100% જરૂરિયાત રિન્યુએબલ સોર્સિસ દ્વારા પૂરી કરે છે.