Share Market Holidays 2026: નવા વર્ષની શરૂઆતને હવે ગણતરીના અઠવાડિયા બાકી છે, ત્યારે નેશનલ સ્ટોક એક્સચેન્જ (NSE) એ વર્ષ 2026 માટે શેરબજારની રજાઓની સત્તાવાર યાદી (Holiday Calendar) જાહેર કરી દીધી છે. ટ્રેડર્સ અને રોકાણકારો માટે આ એક મહત્વનો રોડમેપ છે, જેના આધારે તેઓ તેમના ટ્રેડિંગનું આયોજન કરી શકશે. સત્તાવાર યાદી મુજબ, વર્ષ 2026 માં શનિવાર અને રવિવારની સાપ્તાહિક રજાઓ સિવાય ભારતીય શેરબજાર કુલ 15 દિવસ બંધ રહેશે.
કયા મહિનામાં સૌથી વધુ રજાઓ?
આ પણ વાંચો
NSE ના કેલેન્ડર પર નજર કરીએ તો, 2026 માં માર્ચ (March) મહિનામાં સૌથી વધુ રજાઓ રહેશે. માર્ચમાં શેરબજારમાં કામકાજ 3 દિવસ માટે બંધ રહેશે. ત્યારબાદ એપ્રિલ (April), મે (May), ઓક્ટોબર (October) અને નવેમ્બર (November) મહિનામાં બે-બે રજાઓ રહેશે. આ યાદીમાં હોળી, ઈદ, દિવાળી અને નાતાલ જેવા પ્રમુખ તહેવારોનો સમાવેશ થાય છે.
વર્ષ 2026 માં શેરબજારની રજાઓની યાદી
| તારીખ | દિવસ | શેર માર્કેટ હોલિડેનું કારણ |
| 26 જાન્યુઆરી 2026 | સોમવાર | ગણતંત્ર દિવસ |
| 3 માર્ચ 2026 | મંગળવાર | હોળી |
| 26 માર્ચ 2026 | ગુરુવાર | રામ નવમી |
| 31 માર્ચ 2026 | મંગળવાર | મહાવીર જયંતી |
| 3 એપ્રિલ 2026 | શુક્રવાર | ગુડ ફ્રાઈડે |
| 14 એપ્રિલ 2026 | મંગળવાર | ડૉ. બાબાસાહેબ આંબેડકર જયંતી |
| 1 મે 2026 | શુક્રવાર | મહારાષ્ટ્ર દિવસ |
| 28 મે 2026 | ગુરુવાર | બકરી ઈદ |
| 26 જૂન 2026 | શુક્રવાર | મુહર્રમ |
| 14 સપ્ટેમ્બર 2026 | સોમવાર | ગણેશ ચતુર્થી |
| 2 ઓક્ટોબર 2026 | શુક્રવાર | મહાત્મા ગાંધી જયંતી |
| 20 ઓક્ટોબર 2026 | મંગળવાર | દશેરા |
| 10 નવેમ્બર 2026 | મંગળવાર | દિવાળી (બલિપ્રતિપદા) |
| 24 નવેમ્બર 2026 | મંગળવાર | પ્રકાશ ગુરુપર્વ શ્રી ગુરુ નાનક દેવ |
| 25 ડિસેમ્બર 2026 | શુક્રવાર | ક્રિસમસ |
શનિ-રવિના કારણે 'મિસ' થયેલી રજાઓ
વર્ષ 2026 માં કુલ 4 એવા મહત્વના તહેવારો છે જે શનિવાર કે રવિવારે આવે છે, તેથી તેને અલગથી ટ્રેડિંગ હોલિડે તરીકે ગણવામાં આવ્યા નથી:
- 15 ફેબ્રુઆરી, 2026 (રવિવાર): મહા શિવરાત્રી
- 21 માર્ચ, 2026 (શનિવાર): ઈદ-ઉલ-ફિત્ર (રમઝાન ઈદ)
- 15 ઓગસ્ટ, 2026 (શનિવાર): સ્વતંત્રતા દિવસ
- 8 નવેમ્બર, 2026 (રવિવાર): દિવાળી લક્ષ્મી પૂજા
2026માં મુહૂર્ત ટ્રેડિંગ ક્યારે યોજાશે?
દિવાળીના પાવન પર્વ પર યોજાતું વિશેષ 'મુહૂર્ત ટ્રેડિંગ' સત્ર 8 નવેમ્બર, 2026 (રવિવાર) ના રોજ યોજાશે. હિન્દુ કેલેન્ડર મુજબ નવા સંવતની શરૂઆત કરતા આ સેશનમાં રોકાણકારો શુભ મુહૂર્તમાં ખરીદી કરતા હોય છે. આ સ્પેશિયલ સેશનનો સમય એક્સચેન્જ દ્વારા પાછળથી જાહેર કરવામાં આવશે.