SBI Bank Holiday: બેંક કર્મચારીઓના સંગઠન દ્વારા આગામી દિવસોમાં 3 દિવસની હડતાળની જાહેરાત કરવામાં આવી છે. આ સ્થિતિને ધ્યાનમાં રાખીને અને ગ્રાહકોની સુવિધા માટે, દેશની સૌથી મોટી સરકારી બેંક SBI એ રવિવારે પણ પોતાની શાખાઓ ચાલુ રાખવાનો એક મહત્વનો નિર્ણય લીધો છે.
હડતાળ ક્યારે અને શા માટે છે?
આ પણ વાંચો
યુનાઇટેડ ફોરમ ઑફ બેંક યુનિયન્સ દ્વારા 28 સપ્ટેમ્બરથી 30 સપ્ટેમ્બર 2026 સુધી સળંગ 3 દિવસની હડતાળનું આહ્વાન કરવામાં આવ્યું છે. આ સમયગાળા દરમિયાન બેંકના કર્મચારીઓ હડતાળ પર હોવાથી બેંકની સામાન્ય કામગીરી પ્રભાવિત થઈ શકે છે.
રવિવારે બેંક શા માટે ખુલ્લી રહેશે?
હડતાળના કારણે બેંકિંગ કામકાજમાં આવનારા વિક્ષેપ અને ગ્રાહકોને પડનારી મુશ્કેલીને ધ્યાનમાં રાખીને, SBI ની શાખાઓ રવિવાર, 27 સપ્ટેમ્બર 2026 ના રોજ ખુલ્લી રાખવામાં આવશે. બેંકે સ્પષ્ટતા કરી છે કે ગ્રાહકો પોતાની જરૂરી બેંકિંગ કામગીરી પૂર્ણ કરવા માટે આ રવિવારે કોઈપણ નજીકની શાખાની મુલાકાત લઈ શકે છે.
હડતાળ દરમિયાન ગ્રાહકોએ શું ધ્યાનમાં રાખવું?
- એડવાન્સ પ્લાનિંગ: તમામ જરૂરી બેંકિંગ વ્યવહારો અને કામગીરી હડતાળની તારીખો (28 સપ્ટેમ્બર) પહેલાં જ પૂર્ણ કરી લેવા.
- રોકડ વ્યવહાર: રોકડ ઉપાડવા કે જમા કરવા માટે બેંક શાખાને બદલે ATM અથવા ADWM (કેશ ડિપોઝીટ મશીન) નો ઉપયોગ કરવો.
- ગ્રાહક સેવા કેન્દ્ર: અન્ય જરૂરી સેવાઓ માટે નજીકના ગ્રાહક સેવા કેન્દ્રનો સંપર્ક કરવો.
- ડિજિટલ માધ્યમોનો ઉપયોગ: નાણાકીય વ્યવહારો અટકાવવા ન પડે તે માટે ઇન્ટરનેટ બેંકિંગ, YONO એપ્લિકેશન, મોબાઇલ બેંકિંગ, UPI અને અન્ય ડિજિટલ પ્લેટફોર્મનો મહત્તમ ઉપયોગ કરવો.