Post Office Scheme 2026: જો તમે સુરક્ષિત રોકાણ અને સારા વળતરની શોધમાં હોવ, તો પોસ્ટ ઓફિસની યોજનાઓ તમારા માટે શ્રેષ્ઠ વિકલ્પ સાબિત થઈ શકે છે. સરકારની ગેરંટી સાથે અને બજારના જોખમોથી મુક્ત એવી આ યોજનાઓમાં તમારા પૈસા ડૂબવાનો કોઈ ભય રહેતો નથી. આજે અમે તમને પોસ્ટ ઓફિસની એક એવી 'રિકરિંગ ડિપોઝિટ' (RD) સ્કીમ વિશે જણાવીશું, જેમાં નાના રોકાણ દ્વારા તમે મોટું ભંડોળ એકઠું કરી શકો છો.
સરકાર દ્વારા હાલમાં પોસ્ટ ઓફિસ રિકરિંગ ડિપોઝિટ સ્કીમ પર 6.70% વ્યાજ દર આપવામાં આવી રહ્યો છે. આ સ્કીમમાં તમે માત્ર ₹100 થી પણ રોકાણ શરૂ કરી શકો છો.
કેવી રીતે બનશે ₹20 લાખનું ભંડોળ?
પોસ્ટ ઓફિસ RD કેલ્ક્યુલેટર અને ગણતરી મુજબ, જો તમે આ યોજનામાં દરરોજ ₹400 ની બચત કરો છો, તો તમારું માસિક રોકાણ ₹12,000 થશે. જો તમે સતત 5 વર્ષ સુધી દર મહિને આ રકમ જમા કરો છો, તો તે રકમ વધીને ₹8 લાખથી વધુ થશે. જો તમે આ યોજનાને બીજા 5 વર્ષ માટે લંબાવો છો (કુલ 10 વર્ષ), તો તમારી કુલ જમા રકમ ₹14.40 લાખ થશે. 10 વર્ષના અંતે 6.70% ના દરે તમને વ્યાજ તરીકે જ અંદાજે ₹6.10 લાખ મળશે. આમ, તમારી જમા રકમ અને વ્યાજ મળીને તમને મેચ્યોરિટી પર કુલ ₹20 લાખથી વધુનું ફંડ મળશે.
લોન અને પ્રી-મેચ્યોર ક્લોઝરની સુવિધા
આ સ્કીમની બીજી ખાસિયત તેની લિક્વિડિટી છે. જો તમે તમારું ખાતું સતત 1 વર્ષ સુધી ચાલુ રાખો છો, તો તમે તમારી જમા રકમના 50% સુધીની રકમ લોન પેટે ઉપાડી શકો છો. જો કોઈ કારણસર તમારે પૈસાની જરૂર પડે, તો 3 વર્ષ બાદ તમે આ સ્કીમને પ્રી-મેચ્યોર ક્લોઝ (સમય પહેલા બંધ) કરાવી શકો છો અને જમા થયેલા વ્યાજ સાથે તમારા પૈસા પરત મેળવી શકો છો.