Policybazaar Crash:24 અને 25 સપ્ટેમ્બરના રોજ ભારતની દિગ્ગજ ઈન્શ્યોરન્સ વેબ એગ્રીગેટર કંપની પોલિસી બજાર(Policy Bazaar)ને મોટો ઝાટકો લાગ્યો છે. કારણ કે કંપનીના શેરમાં આશરે 40 ટકાનો કડાકો આવ્યો છે. કારણ કે હકીકતમાં વિમા નિયમનકાર સંસ્થા IRDAIની એક સૂચિત પીવી ફિનટેક (પોલિસી બજારની મુખ્ય કંપની) સહિત અન્ય ફાયનાન્શિયલ કંપનીઓ માટે ઘાતક સાબિત થઈ છે, જે અંતર્ગત તેના શેરોમાં ભારે વેચવાલી જોવા મળી છે. જોકે સૌથી વધારે અસર Policy Bazaarના શેર પર જોવા મળી છે.
PB ફિનટેકના શેરમાં 2 દિવસની અંદર ભારે ઘટાડો જોવા મળ્યો છે
IRDAI દરખાસ્તોને કારણે નુકસાન થાય છે
ગુરુવારે વીમા વિતરણ પ્લેટફોર્મ PB ફિનટેકના શેરમાં ભારે વેચવાલી જોવા મળી કારણ કે ભારતીય વીમા નિયમનકારી અને વિકાસ સત્તામંડળ (IRDAI) એ વીમા વિતરણ અર્થશાસ્ત્રમાં મોટા ફેરફારોનો પ્રસ્તાવ મૂક્યો હતો. સરળ શબ્દોમાં કહીએ તો આ દરખાસ્તમાં વીમા વ્યવસાયમાં કમિશન દરોને મર્યાદિત કરવાની માંગ કરવામાં આવી છે, જે વીમા એગ્રીગેટર કંપનીઓની આવકની સંભાવનાઓ અંગે ચિંતા ઉભી કરે છે.
કમીશન ઓછું તો બિઝનેસમાં મંદી
પોલિસી બજારનું પૂરું રેવેન્યુ મોડલ વિમા કંપનીઓને મળતા કમીશન પર આધાર રાખે છે. વિમા નિયમનકાર આ દરખાસ્તોથી તેમની આવક અને નફા પર વ્યાપક અસર થઈ શકે છે. બ્રોકરેજ ફર્મ જેફરીની માહિતી પ્રમાણે જો કમીશન રેટ્સમાં 10 ટકા ઘટાડો થાય છે તો PB Fintechની કૂલ કમાણીમાં 10 ટકાથી 12 ટકા સુધી ઘટાડો આવી શકે છે.
3 મિત્રોની કંપની
ભારતના અગ્રણી વીમા વેબ એગ્રીગેટર, પોલિસીબજારની સ્થાપના વર્ષ 2008માં ગુડગાંવમાં યશિષ દહિયા, આલોક બંસલ અને અવનીશ નિર્જર દ્વારા કરવામાં આવી હતી. કંપનીનો પ્રારંભિક ધ્યેય વીમા ખરીદી માટે ઓનલાઈન પ્લેટફોર્મ પૂરું પાડવાનો હતો અને ત્યાંથી, પોલિસીબજાર એક ઓનલાઈન બ્રોકરમાં વિકસિત થયું.
18 વર્ષ દરમિયાન PB ફિનટેકે એક જ વીમા બજાર તરીકે શરૂ થયેલી સેવાને એક વ્યાપક નાણાકીય પ્લેટફોર્મ સેવામાં પરિવર્તિત કરી છે, જેમાં યુએઈમાં એજન્ટ-આધારિત વિતરણ,કોર્પોરેટ વીમો અને કામગીરીનો ઉમેરો થયો છે.