8th Pay Commission Fitment Factor Calculator: કેન્દ્રીય કર્મચારીઓ અને પેન્શનરો માટે 8મા પગાર પંચ (8th Pay Commission) ને લઈને મોટી અપડેટ સામે આવી રહી છે. સુપ્રીમ કોર્ટના પૂર્વ ન્યાયાધીશ રંજના પ્રકાશ દેસાઈની અધ્યક્ષતાવાળા પંચની આગામી રાઉન્ડની મહત્વપૂર્ણ બેઠકો 7 અને 8 ઓક્ટોબર દરમિયાન કર્ણાટકના બેંગલુરુ ખાતે યોજાવા જઈ રહી છે. આ પછી 22 અને 23 ઓક્ટોબરે મુંબઈમાં પણ બેઠકો યોજાશે, જેમાં કર્મચારી યુનિયનો, પેન્શનર ઓર્ગેનાઈઝેશન અને અન્ય હિતધારકો વેતન, પેન્શન અને ફિટમેન્ટ ફેક્ટર અંગે પોતાના સૂચનો રજૂ કરશે. પંચની આખરી રિપોર્ટ મે-જૂન 2027 સુધીમાં આવવાની શક્યતા છે.
શું હોય છે ફિટમેન્ટ ફેક્ટર?
ફિટમેન્ટ ફેક્ટર એ એવો ગુણક છે, જેનો ઉપયોગ કર્મચારીના વર્તમાન બેસિક પે પર ગુણાકાર કરીને સુધારેલા નવા બેસિક પેની ગણતરી કરવા માટે થાય છે. 6ઠ્ઠા પગાર પંચમાં ફિટમેન્ટ ફેક્ટર 1.86 અને 7મા પગાર પંચમાં 2.57 રાખવામાં આવ્યો હતો. જોકે, 8મા પગાર પંચે હજુ સુધી કોઈ અધિકૃત ફિટમેન્ટ ફેક્ટર નક્કી કર્યું નથી.
વિવિધ ફિટમેન્ટ ફેક્ટર પર લેવલ 6, 7 અને 8 ના બેસિક પેનું ગણિત
7મા પગાર પંચ મુજબ લેવલ 6, 7 અને 8ના કર્મચારીઓનો લઘુતમ વર્તમાન બેસિક પે અનુક્રમે 35,400, 44,900 અને 47,600 છે. જો પંચ અલગ-અલગ ફિટમેન્ટ ફેક્ટર લાગુ કરે, તો અંદાજિત સુધારેલો બેસિક પે નીચે મુજબ હોઈ શકે છે:
કોષ્ટક
નોંધ: આ માત્ર ઉદાહરણ આધારિત ગણતરી છે, સરકાર કે પંચ તરફથી અધિકૃત જાહેરાત બાકી છે.
વધારે ફિટમેન્ટ ફેક્ટરની માંગણી કેમ?
મોંઘવારી અને જીવનનિર્વાહના વધતા ખર્ચને ધ્યાનમાં રાખીને કર્મચારી સંગઠનો દ્વારા ઉંચા ફિટમેન્ટ ફેક્ટરની માંગ કરાઈ રહી છે. નેશનલ કૌન્સિલ ઓફ જોઈન્ટ કન્સલ્ટેટિવ મશીનરી (NC-JCM) એ 3.833 ફિટમેન્ટ ફેક્ટરની માંગ કરી છે, જેનાથી લેવલ 1નો લઘુતમ પગાર 18,000 થી વધીને 69,000 થઈ શકે છે. જ્યારે ભારતીય પ્રતિરક્ષા મજદૂર સંઘ (BPMS) એ 4.0 ફિટમેન્ટ ફેક્ટરની માંગ કરી છે, જેનાથી લેવલ 1નો પગાર 72,000 થઈ શકે છે.
ટેક હોમ સેલરીમાં અન્ય ભથ્થાં પણ ઉમેરાશે
અહીં નોંધવું જરૂરી છે કે ઉપર દર્શાવેલ ગણતરી માત્ર મૂળ પગાર માટે છે. કર્મચારીને મળતી વાસ્તવિક કુલ સેલરીમાં મોંઘવારી ભથ્થું (DA), ઘરભાડા ભથ્થું (HRA), ટ્રાન્સપોર્ટ ભથ્થું અને અન્ય કપાતો ઉમેરીને આખરી આંકડો નક્કી થશે.